Qeveria ka miratuar anëtarësimin në Bordin e Paqes së presidentit Trump.
Marrëveshja do kalojë për miratim në Kuvend në seancën e nesërme. Vendimi vjen pak ditë pasi kryeministri Rama tha se ishte ftuar si përfaqësues i Shqipërisë në këtë bord.
Dhjetëra vende në Evropë e botë kanë marrë ftesën për të qenë pjesë e këtij bordi që do drejtohet nga presidenti amerikan Trump dhe do ketë një bord drejtues mjaft të ngushtë.
Vendet anëtare është parashikuar të paguajnë shumën 1 miliard dollarë për të qenë pjesë e përhershme e bordit.
Fillimisht bordi do ketë mandat trevjeçar ndërsa vendet që do paguajnë 1 miliard dollarë do kenë një vend si anëtarë të përhershëm. Shumë vende e kanë pranuar tashmë ftesën me të tjera që ngurrojnë ende.
