Një aksident ka ndodhur në aksin rrugor Katund Sukth–Fllakë. Sipas Policisë, një 29-vjeçare nga Durrësi, Xh. Ç., dyshohet se ka humbur kontrollin mbi automjetin që po drejtonte, duke përplasur një biçikletë me drejtues shtetasin R. B., 69 vjeç.
Si pasojë e përplasjes, 69-vjeçari u dërgua në spital, ku më pas humbi jetën. Policia po vijon hetimet për të përcaktuar shkaqet e aksidentit.
