Të paktën pesë persona, përfshirë një fëmijë, vdiqën dhe rreth 100 u plagosën kur një tërmet me magnitudë 5.7 goditi Bangladeshin të premten, tha qeveria, me ndërtesa të dëmtuara në shumë zona, përfshirë kryeqytetin e populluar dendur Daka.
Lëkundjet u ndjenë në shtetet lindore në Indinë fqinje që kufizohen me Bangladeshin, por nuk pati raporte të menjëhershme për dëme të mëdha atje, thanë autoritetet, shkruan Reuters.
Muhammad Yunus, kreu i qeverisë së përkohshme të Bangladeshit, tha se të plagosurit përfshinin studentë nga universiteti i Dakës, punëtorë fabrikash në qytetin Gazipur dhe banorë të Narsingdi, epiqendra e tërmetit.
Policia tha më parë se tre persona kishin vdekur kur u shemb parmaku i një ndërtese gjashtëkatëshe gjatë tërmetit.
