Ministria e Mbrojtjes ka njoftuar qytetarët për një përkeqësim të ndjeshëm të kushteve atmosferike gjatë ditëve në vijim, duke paralajmëruar reshje intensive shiu dhe dëbore në disa zona të vendit.
Sipas të dhënave të përditësuara nga IGJEO dhe Shërbimi Meteorologjik Ushtarak, nga data 17 deri më 20 nëntor 2025, pritet një situatë e vështirë meteorologjike që përfshin të gjithë territorin.
Parashikimi i motit
E hënë, 17 nëntor
Shkodër, Lezhë, Vlorë – reshje mesatare deri lokalisht intensive.
Kukës, Dibër, Durrës, Tiranë, Gjirokastër – reshje të dobëta deri mesatare, të shoqëruara me shtrëngata.
Qarqet e tjera – reshje të dobëta, me rritje intensiteti në orët e pasdites.
E martë, 18 nëntor
Shkodër, Kukës, Vlorë, Gjirokastër – reshje intensive deri shumë intensive.
Lezhë – reshje intensive.
Dibër, Durrës, Tiranë – reshje mesatare deri lokalisht intensive.
Qarqet e tjera – reshje të dobëta deri mesatare.
Në të gjithë vendin reshjet do të shoqërohen me shtrëngata.
E mërkurë, 19 nëntor
Reshje me intensitet të lartë në të gjithë vendin.
Shkodër, Kukës, Vlorë, Gjirokastër – reshje intensive deri shumë intensive.
Qarqet e tjera – reshje mesatare deri intensive.
E enjte, 20 nëntor
Ulje graduale e intensitetit të reshjeve.
Shkodër, Vlorë, Gjirokastër – reshje të dobëta deri mesatare.
Qarqet e tjera – reshje të dobëta.
Në zonat mbi 400 metra lartësi në veri, lindje dhe juglindje, reshjet do të jenë në formë dëbore, duke rritur rrezikun e ngricave dhe vështirësive në qarkullimin rrugor.
Situata në basenet ujore
Sipas parashikimeve:
Fierzë – 150–200 mm reshje
Koman – Vau i Dejës – deri në 300 mm reshje
Agjencia Kombëtare e Mbrojtjes Civile u kërkon të gjitha strukturave:
Marrjen e masave parandaluese për shmangien e përmbytjeve
Gatishmëri të plotë për reagim të menjëhershëm
Koordinim të ngushtë ndërinstitucional
Rritje të gatishmërisë së bashkive në nivel maksimal
Strukturat e emergjencave civile do të informojnë publikun në mënyrë të vazhdueshme mbi zhvillimet dhe nivelin e riskut. Qytetarët e zonave të prekura këshillohen të tregojnë kujdes të shtuar gjatë kësaj periudhe me reshje intensive.
