I riu i cili përplasi me makinë për vdekje 2-vjeçaren në Rrogozhinë ka rënë në prangat e Policisë Rrugore.
Ndaj 24-vjeçarit rëndon akuza “Shkelja e rregullave të qarkullimit rrugor”, me pasojë vdekjen.
E mitura ndërroi jetë si paasojë e plagëve të marra.
“Në vijim të informacionit paraprak të dhënë ditën e djeshme, ku automjeti me drejtues shtetasin F. Xh., 24 vjeç, ka goditur një 2-vjeçare, e cila si pasojë ka humbur jetën, informojmë se:
Specialistët e Qarkullimit Rrugor arrestuan në flagrancë 24-vjeçarin, për veprën penale “Shkelja e rregullave të qarkullimit rrugor”, me pasojë vdekjen”, informoi sot policia.
Materialet procedurale i kaluan Prokurorisë pranë Gjykatës së Shkallës së Parë Durrës, për veprime të mëtejshme.
