Një makinë është qëlluar me armë zjarri në rrugën Shkodër-Hani i Hotit. Drejtuesi i automjetit është aksidentuar dhe është larguar duke braktisur makinën shkruan BW.
Ngjarja ka ndodhur pranë rrethrrotullimit të Koplikut ndërsa mjeti është qëlluar në ecje e sipër dhe për t’i shpëtuar plumbave është aksidentuar dhe është përplasur në bordurën e një karburanti.
Njëra anë e makinës është dëmtuar për shkak të përplasjeve që mund të ketë patur ose me makinën e autorëve ose në ndonjë vend tjetër. Po ashtu edhe gomat janë të dëmtuara plotësisht.
Ndërkohë pesë plumbat makina i ka në pjesën e pasme të saj tek bagazhi.
