Të paktën tetë persona u vranë në një shpërthim pranë pikës historike Kalaja e Kuqe në një lagje me popullsi të dendur të kryeqytetit indian Nju Delhi, tha policia e qytetit.
Shpërthimi ndodhi në një makinë pranë Kalasë së Kuqe, por shkaku i saktë nuk dihej menjëherë dhe po hetohej, tha zëdhënësi i policisë së qytetit. Të paktën 11 persona u plagosën, thanë kanalet televizive.
Pamjet në mediat lokale tregonin flakë dhe tym që dilte nga më shumë se një automjet në një rrugë të ngarkuar pranë një stacioni metroje në pjesën e vjetër të Delhit.
Të paktën gjashtë automjete dhe tre triçikla morën flakë, tha zëvendësshefi i zjarrfikësve të Delhit, duke shtuar se flakët ishin shuar nga ekipet zjarrfikëse.
Policia u përpoq të largonte turmat që ishin mbledhur rreth vendit të incidentit.
Kalaja e Kuqe, e njohur në Indi si Lal Qila, është një kështjellë e shekullit të 17-të e epokës Mogule, e vendosur në qytetin e vjetër dhe e vizituar nga turistët gjatë gjithë vitit, shkruan Reuters.
