Hamasi ka deklaruar se ka gjetur trupat e tre pengjeve izraelitë në një zonë që ndodhet nën kontrollin e Forcave të Mbrojtjes së Izraelit (IDF), në anën izraelite të asaj që njihet si “Vija e Verdhë”, në lindje të Khan Younis.
Sipas raportimeve të YNetNews, operacioni i kërkimit u lejua me miratimin e nivelit politik izraelit, me qëllim që kërkimi të zhvillohej më shpejt nga sa do të mund ta realizonte IDF-ja, për shkak të mungesës së informacionit të plotë.
Ngjarja vjen në një moment të ndjeshëm, ndërsa bisedimet për një armëpushim dhe shkëmbim pengjesh midis Izraelit dhe Hamasit vazhdojnë me ndërmjetësimin e Egjiptit dhe Katarit. Çështja e pengjeve ka qenë një nga pikat më të ndërlikuara të konfliktit që prej sulmit të 7 tetorit 2023, kur militantët e Hamasit rrëmbyen mbi 200 persona gjatë sulmeve në jug të Izraelit.
