Uragani Melissa, një nga stuhitë më të fuqishme të regjistruara që ka prekur në tokë në Karaibe, filloi të zvogëlohet të premten pasi shkaktoi shkatërrim në pjesën më të madhe të Xhamajkës, Kubës dhe Haitiy dhe la të paktën 50 të vdekur.
Melissa ishte stuhia më e fuqishme që ka goditur ndonjëherë drejtpërdrejt Xhamajkën, dhe uragani i parë i madh që e bën këtë që nga viti 1988. Parashikuesi amerikan Accuweather vlerësoi 48 deri në 52 miliardë dollarë dëme dhe humbje ekonomike në gjithë Karaibet perëndimore, shkruan Reuters.
Ministrja e Informacionit e Xhamajkës konfirmoi të paktën 19 vdekje të premten, por tha se kishte të dhëna se më shumë trupa do gjendeshin. Rreth 462,000 njerëz mbeten pa energji elektrike dhe shpërndarjet emergjente të ushqimit kanë filluar, tha ajo.
Në Haiti, i cili nuk u godit drejtpërdrejt, por pësoi ditë të tëra reshjesh të dendura nga stuhia që lëvizte ngadalë, autoritetet raportuan të paktën 31 vdekje dhe 20 të tjerë të zhdukur.
Të paktën 23 persona, duke përfshirë 10 fëmijë, vdiqën në qytetin jugor të Haitit, Petit-Goave, kur një lumë doli nga shtrati. Rrugët, shtëpitë dhe tokat bujqësore u dëmtuan gjithashtu nga shirat.
