Uragani Melissa preku tokën në Xhamajkën perëndimore të martën herët pasdite si një stuhi e fuqishme e Kategorisë 5 dhe më e forta që ka goditur ndonjëherë drejtpërdrejt kombin Karaibian me 2.8 milionë banorë.
Melissa preku tokën pranë qytetit New Hope, rreth 62 km në jug të Montego Bay, me erëra maksimale të qëndrueshme prej 295 km/orë, tha Qendra Kombëtare Amerikane e Uraganeve në njoftimin e saj të fundit.
Stuhia që po lëviz ngadalë parashikohet të mbetet një uragan i fuqishëm teksa kalon ishullin malor, komunitetet e larta të të cilit janë të prekshme nga rrëshqitjet e dheut dhe përmbytjet, dhe shkon drejt Santiago de Cuba, qyteti i dytë më i madh i Kubës.
Qendra e uraganeve me bazë në Majami paralajmëroi se “dështimi total strukturor” ishte i mundshëm në shtegun e Melissës, shkruan Reuters.
“Shkatërrimi mund të jetë ndryshe nga çdo gjë që njerëzit në Xhamajkë kanë parë më parë,” tha eksperti kryesor i uraganeve i parashikuesit amerikan Açuëeather, Alex DaSilva.
“Ishulli nuk është goditur kurrë drejtpërdrejt nga një uragan i Kategorisë 4 ose i Kategorisë 5 në historinë e regjistruar.”
Melissa është uragani i tretë më intensiv i vëzhguar në Karaibe pas ëilma në 2005 dhe Gilbert në 1988, sipas Accuweather.
Pak para se të prekte tokën, shërbimi elektrik i Xhamajkës JPS tha se ndërprerjet e energjisë kishin prekur më shumë se një të tretën e klientëve të tij. Në famullitë e saj më të goditura, rreth tre të katërtat e klientëve humbën energjinë, tha JPS.
Haiti dhe Republika Domenikane aty pranë janë përballur me ditë të tëra me shira rrëmbyeshëm që kanë çuar në të paktën katër vdekje, thanë autoritetet. Të paktën tre persona vdiqën gjatë përgatitjeve të stuhisë në Xhamajkë, raportuan mediat lokale.
Pasi të kalojë Kubën lindore, ende si një stuhi e fuqishme, Melissa parashikohet të shkojë nëpër Bahamas.
