Policia italiane ka ndaluar në Borgo Panigale dy shtetas shqiptarë, 34 dhe 37 vjeç, të cilët u kapën me një armë zjarri të vjedhur dhe municione brenda automjetit të tyre tip Volkswagen Golf.
Gjatë kontrollit, autoritetet italiane zbuluan se 34-vjeçari mbante me vete një armë zjarri që rezultoi e vjedhur, si dhe një dritë dore që përdorej për të simuluar kontrolle të rreme policore. Ai u arrestua dhe po hetohet për posedim të paligjshëm të armës së zjarrit, pranim të mallrave të vjedhura dhe mbajtje të pajisjeve me simbole zyrtare të falsifikuara.
Ndërkohë, 37-vjeçari tentoi të largohen me forcë gjatë ndalimit, duke plagosur disa policë dhe dëmtuar automjetin e tyre. Ai akuzohet për rezistencë ndaj arrestimit, dëmtim me dashje të pronës publike dhe dhunë ndaj efektivëve të policisë.
Të dy shqiptarët ndodhen në duart e drejtësisë italiane, ndërsa hetimet vijojnë për të zbuluar nëse ata janë të përfshirë në aktivitetet të tjera kriminale.
