Policia italiane ka goditur një rrjet të madh trafikimi lëndësh narkotike, duke arrestuar shtatë persona, përfshirë gjashtë shtetas italianë dhe një shqiptar. Operacioni u realizua në zona të ndryshme të Lombardisë, përfshirë Pieve Emanuele, Milano, Cornaredo dhe Cesano Maderno.
Hetuesit e Komisarit Scalo Romana, falë informacionit të siguruar gjatë kontrolleve në terren, identifikuan një apartament në Pieve Emanuele, ku dyshohej se ruheshin dhe shpërndaheshin sasi të mëdha droge.
Rreth orës 13:00, gjatë kontrollit në banesën e një 29-vjeçari italian, u gjetën dhe sekuestruan:
14.5 kg hashash të fshehura në frigorifer
Mbi 3 kg marihuanë
300 gramë hashash shtesë
9 gramë ketaminë
Dy peshore precize
Dy celularë dhe 320 euro cash
Rreth orës 15:30, në rrugën Gaffurio në Milano, efektivët ndoqën një 23-vjeçar italian që transportonte një çantë të madhe. Pas disa lëvizjeve, policia ndaloi makinën në rrugën Settala dhe kontrolloi personat dhe apartamentin e 23-vjeçarit, ku u sekuestruan edhe:
11.8 kg hashash
1.7 kg marihuanë
199 cigare elektronike me përmbajtje THC
Gjithashtu, shoferi 51-vjeçar italian kishte me vete 1.7 kg hashash dhe 350 gramë marihuanë.
Në një tjetër operacion në zona të ndryshme të Milano-s, përfshirë Lambrate, Cornaredo dhe Bollate, policia vuri në pranga një 49-vjeçar shqiptar dhe një 33-vjeçar italian.
Gjatë kontrollit, shqiptarit iu gjetën:
13,800 euro cash, të ardhura nga shitja e drogës
Në banesën e tij në Cesano Maderno, u sekuestruan edhe 5,000 euro të tjera
Ndërsa italianit iu gjetën 1.150 kg kokainë në momentin e ndalimit.
Policia zbuloi se vila në Cornaredo përdorej për magazinimin e drogës. Në apartamentin ku jetonin një 28-vjeçar dhe një 27-vjeçare italianë, gjatë kontrollit u sekuestruan:
7.2 kg hashash
Rreth 4 kg kokainë
4 kg marihuanë
Peshore, pajisje për paketim me vakum dhe makinë për numërim parash
Një armë çakmak kalibri 8 mm, pa shenja dalluese të armëve të imitimit
