Këto kafshë kanë jetuar që në periudhë e Jul Cezarit. Një sfungjer me madhësinë e një furgoni, më i madhi i regjistruar, u gjet në verën e vitit 2015 gjatë një ekspedite në thellësitë e detit në Hawaii.
Balena e Groenlandës është shembulli ideal i kafshëve me jetëgjatësi ekstreme. Si vertebrorët që jetojnë më gjatë në Tokë, ata zhvillohen tepër ngadalë në shtëpinë e tyre të ngrirë në Arktik, por kur bëhet fjalë për kafshët me jetëgjatësinë më të madhe në Tokë, ata nuk janë aspak më të vjetrat.
Midhja e Oqeanit (Ocean Quahog) është një molusk me pamje mjaft të zakonshme, që arrin rreth 5 centimetra madhësi, e megjithatë mund t’u duhen mbi 200 vjet për ta arritur atë. Më i vjetri i regjistruar ishte 507 vjeç, duke e tejkaluar balenën e Groenlandës, dhe megjithatë ai përsëri nuk është kafsha më e vjetër e njohur, shkruan IFL.
Një sfungjer me madhësinë e një furgoni
Shkencëtarët zbuluan sfungjerin më të madh të regjistruar rreth 2,133 metra nën sipërfaqen e detit në vitin 2015 pranë brigjeve të Hawaii-t. Organizmat kolonialë si ky gjigant rriten ngadalë, që do të thotë se duhet të jenë shumë të vjetër për të arritur përmasa kaq të mëdha.
Ky sfungjer rekord ishte 3.7 me 2.1 metra dhe ndërsa mosha e tij e saktë nuk është konfirmuar, NOAA raporton se sfungjerët mund të jetojnë për më shumë se 2,300 vjet.
Kandili i detit “i pavdekshëm”
Një tjetër organizëm i vogël me një prirje për të jetuar është kandili i detit “i pavdekshëm”, Turritopsis dohrnii, i cili është pak më i vogël se një thua dhe shfaqet në figurën më poshtë. Siç sugjeron emri, marifeti i tyre nuk është aq shumë të jetojnë deri në një moshë të madhe, sesa thjesht të refuzojnë të vdesin.
Fatkeqësisht, të qenit “biologjikisht i pavdekshëm” nuk do të thotë se kandili i detit i pavdekshëm nuk mund të vdesë.
Kur kandilët e detit të pavdekshëm lëndohen ose lihen pa ushqim, ata bien në fund të detit dhe fillojnë të shpërbëhen. Megjithatë, në vend që të vdesin në kuptimin tradicional, qelizat e tyre rimblidhen për të krijuar polipe (faza më e hershme e jetës së kandilit të detit). Kjo i bën ata “biologjikisht të pavdekshëm”.
Balenat Bowhead (Balaena mysticetus) mund të jetojnë deri në 211 vjeç e më tej falë një lloji unik të dyfishimit të gjeneve që ngadalëson ndarjen e qelizave, që do të thotë se ato mund të plaken pa rrezikun e kancerit. Fatkeqësisht, kjo pengon gjithashtu pjellorinë mashkullore sepse gjeni CDKN2C në fjalë shkakton madhësi të vogël të gonadeve dhe prodhim të reduktuar të spermës.
Jonathan, breshka gjigante e Seychelles
Mund të keni vënë re se thuajse të gjitha kafshët janë detare kur bëhet fjalë për kafshët me jetëgjatësinë më të madhe në Tokë, kështu që këtu është një për dashamirësit e tokës. Kafsha tokësore më e vjetër e njohur është një zotëri i pashëm i quajtur Jonathan, një breshkë gjigante e Seychelles (Aldabrachelys gigantea hololissa).
Një djalë me breshkën Jonathan
Ajo trashëgoi kurorën prestigjioze të Breshkës Më të Vjetër në Botë në vitin 2022 nga Tu’i Malila, një breshkë që vdiq në moshën 188 vjeç në vitin 1965. Në moshën 190 vjeçare, Jonathan nuk është vetëm breshka më e vjetër, por edhe kafsha tokësore më e vjetër e gjallë sipas Rekordeve Botërore Guinness.
