Një aksident rrugor është regjistruar këtë të enjte rreth mesditës në fshatin Gorre, Kurbin.
Sipas njoftimit të Policisë, shtetasi F. C., duke drejtuar një automjet, ka përplasur këmbësoren L. M.
E plagosura u transportua menjëherë në spital dhe ndodhet nën kujdesin e mjekëve.
Drejtuesi i automjetit është shoqëruar në Komisariatin e Policisë për veprime të mëtejshme procedurale, ndërsa grupi hetimor po punon për zbardhjen e plotë të rrethanave të ngjarjes.
