Një nga mbishkrimet në një gëzhojë municionesh të vrasësit të dyshuar të Charlie Kirk, Tyler Robinson, është një referencë e qartë për këngën “Bella Ciao”, e cila është e adhuruar në qarqet Antifa.
Në një konferencë për shtyp të premten në mëngjes, Guvernatori Spencer Cox dha hollësi mbi mbishkrimet pro-Antifa në municionet e gjetura nga arma e përdorur nga vrasësi i dyahuar i Kirk. Një mesazh në një gëzhojë të papërdorur shkruante: “O Bella ciao, bella ciao, bella ciao, ciao, ciao”.
Fjalët janë refreni i këngës “Bella Ciao”, një këngë e famshme italiane që daton që nga Lufta e Dytë Botërore dhe u bë popullore nga partizanët italianë, ose komunistët, të cilët ishin kundër diktatorit Benito Mussolini. Në anglisht, “bella ciao” përkthehet si “lamtumirë bukuroshe”.
Siç theksoi gazetari Jack Posobiec të premten në emisionin e Steve Bannon “ëar Room”, kënga është bërë një himn antifa i krahut të majtë në gjithë botën, megjithëse mbetet popullore edhe për arsye të tjera.
Sipas Cox, një gëzhojë e shkrepur kishte mesazhin, “A i sheh xhungat OëO, çfarë është kjo?”, që thuhet se është një referencë për homoseksualitetin e lidhur me fetishet “me qime” ose tërheqjen ndaj filmave “anime”.
Autoritetet gjithashtu gjetën dy gëzhoja të pashkruara me mbishkrime. Njëra shkruante, “Hej fashist! prite!”, ndërsa tjetra thoshte, “Nëse e lexon këtë, je homoseksual. LMAO.”
CNN raportoi se Robinson, i cili u mor në paraburgim të enjten në mbrëmje, i rrëfeu babait të tij se e vrau Kirk, shkruan Breitbart.
“I dyshuari për vrasjen e Charlie Kirk i rrëfeu të atit se ai ishte autori i vrasjes. I ati i tij u tha autoriteteve dhe e siguroi të birin derisa ata të mund të vinin për ta marrë”, vuri në dukje në një postim në X korrespondentja e lartë e CNN në Shtëpinë e Bardhë, Kristen Holmes, duke cituar raporte nga disa kolegë.
Presidenti Donald Trump njoftoi më herët të premten gjatë një interviste të drejtpërdrejtë në studion Fox and Friends se “dikush shumë i afërt” me Robinson e dorëzoi atë te forcat e rendit.
Trump tha gjithashtu se Guvernatori Cox është “shumë i vendosur për dënimin me vdekje në këtë rast”.
