Edhe pse humbi postin e saj në qeverinë gjermane këtë vit, Annalena Baerbock , ish-ministrja e jashtme gjermane, do të vazhdojë të luajë një rol të spikatur në skenën botërore.
Deri në maj, kur Friedrich Merz i Unionit Kristian Demokrat (CDU) të qendrës së djathtë u zgjodh si kancelari i ri gjerman, politikania 44-vjeçare e Partisë së Gjelbër ishte ende diplomatja më e lartë e Gjermanisë. Më pas, më 2 qershor, ajo u zgjodh presidentja e re e Asamblesë së Përgjithshme të Kombeve të Bashkuara (OKB) në Nju Jork.
Megjithatë, ndryshe nga paraardhësit e saj, Baerbock nuk u miratua me anë të ngritjes së duarve si shenjë e miratimit unanim, por me anë të një votimi të fshehtë. Sipas diplomatëve, kjo procedurë ishte kërkuar nga Rusia dhe u interpretua si një akt i vogël keqdashjeje, sepse si ministre e jashtme, Baerbock gjithmonë e kishte kritikuar hapur luftën e agresionit të Rusisë kundër Ukrainës .
Në fund, ajo mori 167 nga 193 vota të mundshme në selinë e OKB-së në Nju Jork. Tani ajo do të marrë postin e saj pasi të ketë lënë vendin e saj në Bundestag ./DW
