“Me pikëllim të pafund, Grupi Armani njofton ndarjen nga jeta të krijuesit, themeluesit dhe forcës së palodhur lëvizëse: Giorgio Armani,” tha shtëpia e modës në një deklaratë.
Armani, i cili ishte 91 vjeç, ishte sinonim i stilit dhe elegancës moderne italiane.
Ai kombinoi hijeshinë e një stilisti me intuitën e një biznesmeni, duke drejtuar një kompani me të ardhura rreth 2.3 miliardë euro (2.7 miliardë dollarë) në vit.
Ai kishte qenë prej kohësh në gjendje të rënduar shëndetësore dhe u detyrua të mungonte në shfaqjet e grupit të tij gjatë Javës së Modës për Meshkuj në Milano në qershor, hera e parë në karrierën e tij që humbiste një nga parakalimet e tij.
I njohur si “Re Giorgio” – Mbreti Giorgio, stilisti ishte i famshëm për mbikëqyrjen e çdo detaji të koleksioneve të tij dhe çdo aspekti të biznesit, nga reklamat deri te rregullimi i flokëve të modeleve përpara se të dilnin në pasarelë.
Një dhomë homazhi do të ngrihet të shtunën dhe të dielën në Milano, tha kompania, ndërsa më pas do të mbahet një funeral privat në një datë që nuk është bërë publike.
