Angela Rayner ka pranuar se nuk ka paguar shumën e duhur të taksës për blerjen e shtëpisë së saj të dytë. Duke folur me redaktoren politike të Sky News, Beth Rigby, në podkastin “Electoral Dysfunction”, zëvendëskryeministrja u përlot kur pretendoi se kishte marrë këshilla të gabuara tatimore dhe kishte folur me familjen së saj për “t’i paketuar të gjitha”.
Rayner, e cila është gjithashtu ministre e Strehimit, është vënë nën shqyrtim pasi një raport në The Daily Telegraph pretendoi se ajo shmangu 40,000 stërlina për një apartament në Hove duke hequr emrin e saj nga aktet e një prone tjetër në Greater Manchester.
Në një deklaratë të gjatë të lëshuar sot, ajo tha se ishte një “marrëveshje komplekse jetese” pasi shtëpia e saj e parë iu shit një fondi pas divorcit të saj për të siguruar stabilitet për djalin e saj adoleshent, i cili ka aftësi të kufizuara gjatë gjithë jetës dhe është përfituesi i vetëm i fondit.
Ajo tha se këshilla fillestare ligjore ishte se aplikohej norma standarde e taksës, por pas raportimeve të medias, ajo kërkoi këshilltar ekspert i cili tha se duhej paguar më shumë taksë.
Rayner shtoi se këto çështje ishin konfidenciale, por ajo iu drejtua një gjykate dje për ta hequr këtë në interes të transparencës publike.
