Pesë nga kompanitë e mbrojtjes të Turqisë ishin pjesë e listës globale të 100 firmave më të vlefshme të mbrojtjes në vitin 2025, sipas listës Top 100 të Defense News. Aselsan ishte firma turke e mbrojtjes më e vlerësuar në listë, duke u renditur e 43-ta me 3.54 miliardë dollarë të ardhura nga mbrojtja. Ndërkohë, Industritë Ajrore Turke (TAI) u renditën të 47-tat, Roketsan e 71-ta, Asfat e 78-ta dhe MKE e 80-ta.
TAI u ngjit tre hapa krahasuar me listën e vitit të kaluar, ASFAT u rrit me 16 hapa, ndërsa MKE u ngjit me katër. Ndërkohë, 10 kompanitë kryesore në listë përfshinin gjashtë nga SHBA-ja, dy nga Kina dhe nga një nga Mbretëria e Bashkuar dhe Franca. Lockheed Martin ruajti vendin e saj të parë me 68.39 miliardë dollarë të ardhura nga mbrojtja, e ndjekur nga RTX dhe China Aerospace Science and Industry Corporation.
Northrop Grumman u rendit e katërta dhe General Dynamics e pesta, ndërsa BAE Systems u rendit e gjashta. Boeing u rendit në vendin e shtatë, China State Shipbuilding Corporation Limited në vendin e tetë, L3Harris Technologies në vendin e nëntë dhe Thales në vendin e dhjetë, shkruan AA.
Lista përfshinte 48 kompani nga SHBA-ja, gjashtë nga Mbretëria e Bashkuar, pesë nga Turqia, Franca dhe Kina, katër nga Gjermania dhe tre nga Koreja e Jugut dhe Izraeli.
