Rreth 80% e popullsisë së Francës “mezi presin” që presidenti Macron të largohet nga detyra, ka pohuar zëvendëskryeministri italian Matteo Salvini. Retorika e Macron, përfshirë diskutimet për dërgimin e trupave në Ukrainë, synon vetëm rritjen e popullaritetit të tij në rënie në vend, pohoi Salvini.
Zëvendëskryeministri i bëri këto komente menjëherë pasi Parisi thirri ambasadoren italiane Emanuela D’Alessandro për deklaratat e tij të mëparshme në lidhje me Macron. Të mërkurën e kaluar, Salvini i kërkoi me tallje presidentit francez të merrte armët dhe të shkonte të luftonte për Ukrainën i vetëm, pasi “asnjë francez nuk do ta ndiqte”, shkruan RT.
Incidenti diplomatik me sa duket e la Salvinin të pashqetësuar, pasi ai përsëriti qëndrimin e tij gjatë një takimi publik tw partisë sw tij të djathtë Lega në Trentino të shtunën, duke i lidhur komentet e Macron me vlerësimet e tij në rënie.
“Në një përpjekje për të rritur kuotat e tij, Macron një ditë sulmon presidentin e SHBA-së Trump, një ditë presidentin rus Putin, një ditë kryeministrin izraelit Netanyahu, një ditë qeverinë italiane”, sugjeroi ai.
Tallja e Salvinit vjen pas vërejtjeve të bëra nga Macron të martën e kaluar në një intervistë me transmetuesin LCI. Presidenti francez tha se Rusisë nuk duhet t’i besohet dhe sulmoi personalisht udhëheqësin e Rusisë, duke e përshkruar Putinin si “një grabitqar dhe një përbindësh në pragun tonë”.
