Ministri i Mbrojtjes, Izrael Katz, po zhvillon një diskutim të nivelit të lartë për miratimin e planeve të sulmeve në Gaza, së bashku me Shefin e Shtabit të Përgjithshëm të Forcave të Mbrojtjes së Izraelit (IDF), Eyal Zamir, përcjell YNetNews.
Në takim marrin pjesë gjithashtu zëvendës shefi i shtabit Tamir Yadai, kreu i Drejtorisë së Operacioneve, kreu i Inteligjencës Ushtarake, Koordinatori i Veprimtarive Qeveritare në Territoret, kreu i Divizionit të Operacioneve, përfaqësues të Shërbimit të Sigurisë së Brendshme (Shin Bet), si edhe zyrtarë të tjerë të lartë të mbrojtjes.
Lajmi u bë i ditur nga zyra e ministrit Katz, ndërsa diskutimet fokusohen në miratimin e hapave të mëtejshëm ushtarakë në Rripin e Gazës.
