Policia Rrugore e Tiranës ka vijuar aksionin për ndëshkimin e drejtuesve të mjeteve që pengojnë ose bllokojnë lëvizjen e makinave të të tjera ose qytetarëve.
Gjatë javës së shkuar janë proceduar 54 qytetarë për parkim të gabuar në rrugë e korsi të dedikuara, 39 janë arrestuar për vepra të ndryshme penale si dhe janë marrë me karroatrec 65 mjete.
Njoftimi i policisë
“Drejtoria Vendore e Policisë Tiranë
Policia Rrugore e Tiranës ka intensifikuar kontrollet, të mbështetura edhe nga denoncimet e qytetarëve në numrin 112, për të ndëshkuar çdo rast që cënon sigurinë dhe lirinë e lëvizjes në rrugë.
Në këtë kuadër, gjatë javës:
– 54 shtetas janë proceduar penalisht, në zbatim të nenit 293 të Kodit Penal, për parkim të gabuar në rrugë dhe korsi të dedikuara për emergjencat, biçikletat, këmbësorët dhe transportin publik;
– 39 shtetas janë arrestuar/proceduar për vepra të ndryshme penale;
– 65 automjete janë bllokuar dhe tërhequr me mjet ngritës.
Kontrollet do të vijojnë në mënyrë të pandërprerë në çdo kohë, me fokus verifikimin dhe ndëshkimin e çdo shkeljeje që cenon sigurinë rrugore.
Policia Rrugore apelon sërish për drejtuesit e automjeteve:
Respektoni sinjalistikën rrugore dhe parkoni vetëm në vendet e lejuara, për të mos penguar qarkullimin dhe për të garantuar sigurinë për të gjithë përdoruesit e rrugës.”
