Një vatër zjarri është shfaqur pasditen e sotme në zonën kodrinore të fshatit Shetel, në Shijak, duke shkaktuar shqetësim për banorët e zonës dhe dëme në natyrë.
Flakët kanë përfshirë një sipërfaqe të konsiderueshme me bimësi, ndërsa forcat zjarrfikëse janë në terren dhe po punojnë për të vënë situatën nën kontroll.
Deri më tani nuk raportohet për rrezik të drejtpërdrejtë ndaj banesave apo jetëve njerëzore. Ende nuk dihen shkaqet e rënies së zjarrit, ndërsa hetimet pritet të hedhin dritë mbi origjinën e tij.
Zjarret në zona të hapura janë shtuar ndjeshëm gjatë ditëve të fundit për shkak të temperaturave të larta dhe erërave, ndërsa autoritetet i bëjnë thirrje qytetarëve të tregojnë kujdes dhe të shmangin çdo veprim që mund të shkaktojë ndezje të qëllimshme apo aksidentale.
