Një bandë kriminale vodhi një ngarkesë prej 33 tonelatash ari dhe argjendi në komunën e Acatlán de Juárez.
Në një deklaratë, kompania minerare Grupo Bacis raportoi se grabitja ndodhi më 4 korrik, në një autostradë pranë Guadalajara-s, ndërsa rimorkioja po shkonte drejt Portit të Manzanillo-s, shkruan Borderland Beat.
Sipas kompanisë, kamioni me numër regjistrimi 104 u ndalua nga dy automjete të bardha me xhama të errët. Personat që ndodheshin në to neutralizuan rojet e sigurisë dhe goditën shoferin, i cili u ndalua për të paktën një orë e gjysmë.
“Një grup kriminelësh të organizuar në bordin e dy automjeteve grabitën një kamion që i përkiste Fletes Durango S.A. de C.V., i cili ishte i ngarkuar me të paktën 33 ton koncentrat ari dhe argjendi që i përkisnin Grupo Minero Bacis, me destinacion portin e Manzanillo-s.”
Pasi u liruan, viktimat njoftuan Gardën Kombëtare. Punëtorët mbetën të padëmtuar dhe rimorkioja bosh u gjet pak më vonë. Deri më sot, nuk ka asnjë të dhënë për vendndodhjen e mallrave. Zyra e Prokurorit të Përgjithshëm të Shtetit raportoi se nuk ka marrë asnjë ankesë në lidhje me vjedhjen.
