Plazhistët në Portugali nxituan për t’u strehuar gjatë fundjavës, ndërsa vapa përvëluese shkaktoi një “cunami të rrallë”, një valë të frikshme resh të errëta mbi ujë.
Videoja virale e dukurisë të së dielës tregoi pushuesit në Praia de Buarcos të mahnitur nga reja gjigante e valëzuar që po i afrohej plazhit, ndërsa ajo filloi të bllokonte diellin dhe të shkaktonte erëra të forta, shkruan NY Post.
“Ishte çmenduri të përjetoje këtë re valëzuese në veri të Portugalisë”, shkroi një plazhist në X.
Ndërsa retë tubulare, në formë vale, sollën panik në plazh, pasi njerëzit kishin frikë se ishte një shenjë e një cunami që po vinte, mrekullia vizuale ishte në fakt vetëm një pjesë e një dukurie natyrore të njohur si një re “arcus”, ose re rrotulluese.
Retë “relativisht të rralla” formohen nga re të nivelit të ulët dhe me shtrirje të gjerë që zakonisht shoqërohen me stuhi që po afrohen, sipas Shërbimit Kombëtar të Motit.
