Presidenti Trump vlerësoi të dielën Elon Musk, pavarësisht kritikave të përsëritura të themeluesit të Tesla-ss për “projekligjin e madh” të presidentit.
Trump e quajti Musk-un “djalë të mrekullueshëm” në një intervistë me Maria Bartiromo të Fox News, megjithëse tha se sjellja e Musk pas ndarjes së tyre, e cila përfshinte një postimn në X të fshirë që lidhte Trump dhe Jeffrey Epstein, nuk ishte “e përshtatshme”.
“A keni folur me Elon Musk? Çfarë ndodhi me të?” pyeti Bartiromo.
“Mendoj se ai është një djalë i mrekullueshëm. Nuk kam folur shumë me të, por mendoj se Elon është një djalë i mrekullueshëm dhe e di që ai do ia dalë gjithmonë”, u përgjigj Trump.
“Ai është një djalë i zgjuar. Dhe ai në fakt bëri fushatë me mua. Por ai u mërzit pak dhe kjo nuk ishte e përshtatshme.”
“Pse u mërzit? Apo ngaqë nuk po merrte atë që donte?”, këmbënguli Bartiromo.
“Shikoni, urdhri për automjetet elektrike është një gjë e vështirë për të. Nuk dua që të detyroj këdo që të ketë një makinë elektrike”, shpjegoi Trump.
Musk, ish-kreu i DOGE, shkroi në X në ditëlindjen e tij të 54-të të shtunën duke kritikuar draftin e projektligjit të Trump, i cili tani është miratuar nga Senati, i cili tha se do “shkatërronte miliona vende pune” dhe do rriste taksat për të gjitha projektet e energjisë së erës dhe diellit që ende nuk kanë filluar ndërtimin.
“Projektligji i fundit i Senatit do të shkatërrojë miliona vende pune në Amerikë dhe do shkaktojë dëm të madh strategjik për vendin tone. Plotësisht i çmendur dhe shkatërrues”, shkroi Musk në postim.
Postimi vjen pasi Musk pati një grindje publike me Trump në fillim të këtij muaji për shkak të projektligjit të shpenzimeve të mëdha të administratës.
Miliarderi kritikoi versionin e parë të projektligjit në fillim të qershorit, duke e quajtur atë një “projektligj shpenzimesh të tepruar dhe plot me skena të shëmtuara që është një neveri e neveritshme”.
“Turp për ata që votuan për të: e dini që keni bërë gabim”, shkroi Musk në postimin e 3 qershorit.
Versioni i ri, të cilin republikanët e Senatit shpresojnë t’ia dorëzojnë presidentit deri më 4 korrik, u prezantua të premten në mbrëmje nga Kryetari i Komitetit të Buxhetit të Senatit Lindsey Graham.
Në postimin e tij në lidhje me shkurtimet mjedisore, Musk tha se projektligji do t’u jepte “lëmosha” industrive të së kaluarës, ndërsa do dëmtonte rëndë industritë e së ardhmes.
