Seanca gjyqësore për çështjen e vrasjes së 14-vjeçarit Martin Cani është shtyrë sërish.
Gazetarja e Top Channel, Anila Hoxha, raporton se në seancën e planifikuar për sot pritej të dëgjohej deklarimi i të miturit të akuzuar, Perlleshaj, i cili do të fliste për ngjarjen tragjike. Megjithatë, i pandehuri 14-vjeçar nuk është paraqitur në gjykatë, duke sjellë shtyrjen e procesit për në datën 3 korrik, në mënyrë që ai të njoftohet sërish.
Procesi po zhvillohet me dyer të mbyllura, në përputhje me ligjin për të miturit, që ndalon publikimin e të dhënave, pasi jo vetëm i akuzuari por edhe një tjetër fëmijë i plagosur janë nën moshën madhore.
