Policia franceze arrestoi 12 persona të dielën, pasi 145 individë raportuan se ishin shpuar me shiringa gjatë një festivali kombëtar të muzikës në rrugë, sipas ministrisë së brendshme të Francës.
Sulmet ndodhën në të gjithë Francën, me policinë e Parisit që konfirmoi të paktën 13 raste në kryeqytet.
Sipas ministrisë së brendshme, mbetet e paqartë nëse rastet e “nguljes së gjilpërave” në të cilat sulmuesit përdorin shiringa për t’u injektuar viktimave zakonisht në krah, këmbë ose vithe, përfshinin droga për përdhunim gjatë takimeve, të tilla si Rohypnol ose GHB, të cilat mund t’i lënë individët të çorientuar, të pavetëdijshëm dhe të prekshëm ndaj sulmeve.
“Ministria po e merr këtë shumë seriozisht”, tha një zëdhënëse e ministrisë së brendshme për CNN të hënën. “Testet toksikologjike po bëhen dhe hetimi është duke vazhduar.”
Miliona njerëz dolën në rrugë gjatë fundjavës për festimet mbarëkombëtare Fête de la Musique, me zyrtarët që i përshkruan turmat në Paris si “të paprecedentë”.
