Sirenat e alarmit kanë filluar të bien në disa zona të Izraelit pas një vale të re raketash të lëshuara nga Irani, sipas njoftimit të ushtrisë izraelite.
Forcat Mbrojtëse të Izraelit (IDF) deklaruan se mbrojtja ajrore është aktivizuar dhe po përpiqet të neutralizojë sulmet në ajër.
Ndërkohë, ekipet e ndihmës së shpejtë po lëvizin drejt zonave të goditura, sipas shërbimit kombëtar të emergjencës, Magen David Adom.
“Pas sirenave të dëgjuara gjatë minutave të fundit, ekipet tona janë dërguar për të inspektuar zonat ku janë raportuar goditje,” deklaroi një zëdhënës i MDA-së.
Policia izraelite njoftoi gjithashtu se njësitë e saj janë në terren në zonën përreth Tel Avivit, por deri tani nuk ka raportime për persona të lënduar./CNN
