Musk tha në një postim në rrjetet sociale këtë javë se shërbimi i shumëpritur robotaxi i Teslës do dalë në rrugët e Austin, Teksas më 22 qershor. Drejtori ekzekutiv i Tesla-s po e vë bast të ardhmen e kompanisë te automjetet autonome (AV) dhe një shërbim robotaxi .
Ndërsa Musk po mbështet premtimin e robotaxi, makina që drejtohen vetë pa shofer që mund të transportojnë pasagjerë me pagesë, ka shqetësime si për sigurinë ashtu edhe për qëndrueshmërinë e tyre si biznes, shkruan CNN.
Prodhuesit tradicionalë të automjeteve si General Motors tashmë kanë braktisur planet për një shërbim të ngjashëm pavarësisht shpenzimit të miliarda dollarëve, duke fajësuar kostot “e konsiderueshme” të nevojshme dhe “një treg robotaxi gjithnjë e më konkurrues”. Ford hoqi dorë tërësisht nga përpjekjet e tij AV.
Por edhe me daljen e tyre, disa ekspertë thonë se konkurrenca e vërtetë për Tesla-n janë shoferët njerëzorë të Uber dhe Lyft.
Asnjë nga këto nuk e ka ndaluar Musk-un të bëjë parashikime të mëdha se si teknologjia mund ta riformësojë Tesla-n dhe botën.
“Nuk shoh askënd që është në gjendje të konkurrojë me Tesla-n tani për tani,” tha Musk gjatë thirrjes së prillit për të raportuar përse ai beson se shërbimi robotaxi i Tesla-s do ketë sukses.
