Gjermania, Franca dhe Britania e Madhe kanë shprehur gatishmërinë për të zhvilluar bisedime të menjëhershme me Iranin mbi programin e tij bërthamor, me synimin për të ulur tensionet në Lindjen e Mesme, përcjell JP. Ministri i Jashtëm gjerman, Johann Wadephul, deklaroi se oferta për negociata është një përpjekje për të kontribuar në de-përshkallëzimin e konfliktit mes Izraelit dhe Iranit.
Wadephul, i cili ndodhet në një vizitë në Lindjen e Mesme, theksoi se Irani më parë nuk e ka shfrytëzuar mundësinë për të hyrë në bisedime konstruktive, por shpreson që këtë herë të jetë e mundur. Ai nënvizoi se një marrëveshje mbi programin bërthamor iranian është një kusht kyç për stabilizimin e rajonit dhe për të garantuar sigurinë e Izraelit dhe Evropës.
