Tre shtetas shqiptarë janë ekstraduar drejt Italisë pasi kërkohen nga drejtësia e vendit fqinj.
Të ekstraduarit akuzohen për vepra të ndryshme penale si trafik lëndësh narkotike, vjedhje e pjesëmarrje në grup kriminal.
Njoftimi
“Interpol Tirana ka finalizuar ekstradimin drejt Italisë të tre shtetasve shqiptarë të shpallur në kërkim ndërkombëtar, si pjesë e një operacioni policor ndërkombëtar të koduar “The Ëanted”, në bashkëpunim me Interpol Romën.
Të ekstraduarit janë:
E.D., 40 vjeç – i kërkuar nga Gjykata e Breshias për trafikim të lëndëve narkotike, në kuadër të një organizate kriminale.
E.Zh., 41 vjeç – gjithashtu i kërkuar nga Gjykata e Breshias për të njëjtën vepër penale dhe përfshirje në një grup kriminal.
K.N., 33 vjeç – i kërkuar nga Gjykata e Milanos për vjedhje në rrethana rënduese, e kryer në bashkëpunim me një organizatë kriminale.
Autoritetet shqiptare dhe italiane theksojnë se bashkëpunimi ndërkombëtar mbetet thelbësor në luftën kundër krimit të organizuar dhe garantimin e drejtësisë përmes ndjekjes pa kompromis të personave të përfshirë në veprimtari kriminale.”
