Një zjarr i madh shpërtheu të mërkurën në një depo të shpërndarjes së kimikateve pranë qytetit Sevila në jug të Spanjës, duke ngritur një re të dendur tymi të zi mbi zonën industriale dhe duke shkaktuar shqetësim për ndotjen e mundshme toksike.
Sipas një zëdhënësi të emergjencave rajonale, alarmi u dha rreth orës 13:20, kur qindra qytetarë telefonuan për të raportuar zjarrin në parkun industrial La Red në Alcala de Guadaira, rreth 16 kilometra nga Sevila.
Zjarri shpërtheu në një depo që i përket kompanisë Plainsur, një shpërndarës lokal i produkteve kimike. Punëtorët e kompanisë raportuan se të gjithë ishin të regjistruar dhe se askush nuk ishte lënduar apo bllokuar brenda, edhe pse shërbimet e emergjencës nuk e kanë konfirmuar ende këtë në mënyrë të pavarur.
Udhëzime për qytetarët
Bashkia e Alcala de Guadaira i kërkoi 77,000 banorëve të zonës që të qëndronin në ambiente të brendshme, me dritaret dhe dyert të mbyllura, për shkak të pasigurisë mbi përmbajtjen toksike të tymit. Depot përreth u evakuuan menjëherë.
Produkte shumë të rrezikshme
Në faqen zyrtare të Plainsur, kompania përmend si pjesë të produkteve që shpërndan kimikate shumë të ndezshme si:
- Etileni
- Tolueni
- Tretës industrialë
Autoritetet janë në terren duke punuar për shuarjen e zjarrit dhe vlerësimin e rrezikut kimik, ndërsa hetimet për shkaqet e incidentit janë ende në fazë fillestare.
🇪🇸 A massive fire erupted at a chemical distribution warehouse near Seville, sending dark smoke over the area.
#Spain pic.twitter.com/9FlUrnvLlM
— World Order Watch (@WorldOrderWatch) May 14, 2025
