Në qarkun e Durrësit ka nisur numërimi i votave për zgjedhjet parlamentare të 11 majit dhe deri tani janë përpunuar 64 nga 493 kuti votimi në total. Sipas rezultateve paraprake, Partia Socialiste e Shqipërisë kryeson bindshëm me 9,410 vota, që përbëjnë 52.9% të totalit.
Në vend të dytë renditet koalicioni Partia Demokratike – Aleanca për Shqipërinë Madhështore (PD-ASHM) me 7,086 vota, ose 39.8%, ndërsa e treta është Partia Mundësia me 404 vota, përkatësisht 2.3%.
Rezultatet paraprake për partitë pjesëmarrëse:
- Partia Socialiste (PS) – 9,410 vota – 52.9%
- PD–ASHM – 7,086 vota – 39.8%
- Partia Mundësia – 404 vota – 2.3%
- NISMA-SHB – 391 vota – 2.2%
- KEA – 135 vota – 0.8%
- Lëvizja Bashkë – 198 vota – 1.1%
- DZH – 81 vota – 0.5%
- PSD – 41 vota – 0.2%
- AKSH – 25 vota – 0.1%
- LA – 20 vota – 0.1%
- ADR – 7 vota – 0.0%
