KQZ-ja ka publikuar rezultatin e pjesëmarrjes në zgjedhjet e 11 majit. Sipas kreut të KQZ-së Celibashi, pjesëmarrja në shkallë vendi është 41.6 për qind.
Pjesëmarrja më e lartë është shënuar në Dibër ku kanë votuar rreth 50 për qind ndërsa më e ulëta është shënuar në Vlorë ku kanë votuar 30.24 për qind.
Qarku i Tiranës dhe i Kukësit kanë shënuar gjithashtu pjesëmarrje të lartë në votime me 46.82 dhe 47.96 për qind përkatësisht.
Përqindja e votimit i referohet raportimeve nga 3892 qendra votimi nga 5225 gjithsej.
