Presidenti i Salvadorit, Nayib Bukele, propozoi të dielën realizimin e një shkëmbimi të burgosurish me Venezuelën, duke sugjeruar se do të shkëmbente venezuelianët e deportuar nga Shtetet e Bashkuara që qeveria e tij i ka mbajtur në burg, me atë që ai i quajti “të burgosur politikë” në Venezuelë.
Në një postim në platformën sociale X, drejtuar presidentit të Venezuelës Nicolás Maduro, Bukele përmendi një sërë familjarësh të figurave të larta të opozitës në Venezuelë, gazetarë dhe aktivistë të ndaluar gjatë fushatës së shtypjes së zgjedhjeve nga qeveria e Venezuelës vitin e kaluar.
“Arsyeja e vetme pse ata janë burgosur është sepse janë kundërshtuar ndaj teje dhe mashtrimit tënd elektoral,” i shkroi Bukele Madurës, përcjell AP.
“Megjithatë, dua të propozoj një marrëveshje humanitare që përfshin riatdhesimin e 100% të 252 venezuelianëve të deportuar, në këmbim të lirimit dhe dorëzimit të një numri identik (252) prej mijëra të burgosurve politikë që ti mban.”
Mes personave që Bukele listoi ishin dhëndri i kandidatit të mëparshëm presidencial venezuelian Edmundo González, disa liderë politikë që kërkojnë azil në ambasadën argjentinase në Venezuelë, si dhe, sipas tij, 50 shtetas të ndaluar nga vende të ndryshme të botës.
Bukele përmendi gjithashtu edhe nënën e lideres opozitare María Corina Machado, shtëpia e së cilës – sipas saj – u rrethua nga policia venezueliane në janar.
