Zjarri në malin e Tërnovës është zhvendosur në malin e Valikardhës ku po i afrohet banesave. Banorët e frikësuar kërkojnë ndërhyrje para se zjarri të përfshijë banesat.
Në terren janë angazhuar forcat e shërbimit zjarrfikës të Bashkisë Bulqizë, Shërbimi i Pyjeve dhe administrata lokale për të luftuar flakët. Megjithatë, për shkak të terrenit të vështirë malor, neutralizimi i zjarrit është i ndërlikuar.
Autoritetet vendore në Bulqizë po kërkojnë ndihmë nga ajri për të ndaluar përhapjen e zjarrit, që deri tani ka shkaktuar dëme të mëdha ekonomike dhe ka prekur rëndë florën dhe faunën e zonës.
