Ndërprerje të energjisë elektrike u raportuan të dielën në disa pjesë të Iranit, përfshirë zona të Teheranit dhe qytetin verior të Alborzit, pas sulmeve të SHBA-së dhe Izraelit mbi infrastrukturën e energjisë elektrike.
Ndërprerje u raportuan gjithashtu në pjesë të distriktit Karaj në perëndim të Teheranit, sipas mediave iraniane.
Zëvendësministri i Energjisë i Iranit, Mostafa Rajabi Mashhadi, tha se disa nënstacione të transmetimit të energjisë u goditën, por energjia elektrike në Teheran dhe Karaj pritet të rikthehet brenda pak orësh, duke shtuar se nuk ka asnjë arsye për shqetësim, raportoi agjencia Tasnim.
Përpjekjet janë në vijim e sipër për të rikthyer shërbimin, njoftoi transmetuesi shtetëror IRIB News, duke cituar Ministrinë e Energjisë.
I gjithë rajoni ka qenë në alarm që kur SHBA-ja dhe Izraeli nisën një ofensivë ajrore mbi Iranin më 28 shkurt, e cila deri më tani ka vrarë mbi 1,340 njerëz, përfshirë Liderin e atëhershëm Suprem, Ali Khamenei.
Teherani është hakmarrë me sulme me dronë dhe raketa duke shënjestruar Izraelin, së bashku me Jordaninë, Irakun dhe vendet e Gjirit që strehojnë asete ushtarake të SHBA-së, shkruan AA.
