Emiratet e Bashkuara Arabe dhe Kuvajti raportuan për sulme me raketa nga Irani në orët e para të mëngjesit të së premtes, duke aktivizuar sistemet e mbrojtjes ajrore në të dy vendet.
Ministria e Brendshme e Emirateve të Bashkuara Arabe dhe ushtria e Kuvajtit konfirmuan ngjarjet përmes deklaratave zyrtare, duke bërë të ditur se janë ndërmarrë masa për neutralizimin e kërcënimeve.
Ndërkohë, në vende të tjera të rajonit, Ministria e Mbrojtjes e Arabisë Saudite njoftoi se ka interceptuar një dron në lindje të vendit. Po ashtu, Ministria e Brendshme e Bahreinit bëri të ditur se janë aktivizuar sirenat e alarmit ajror, si masë paraprake për sigurinë e popullsisë, përcjell DW.
Zhvillimet e fundit shënojnë një përshkallëzim të mëtejshëm të tensioneve në Gjirin Persik, duke rritur shqetësimet për sigurinë rajonale dhe stabilitetin e furnizimeve globale me energji.
