Një sulm me armë në një shkollë në Graz të Austrisë ka shkaktuar 11 viktima, përfshirë autorin e sulmit. Sipas raportimeve, policia ka gjetur një letër në shtëpinë e autorit, ku ai ka shprehur se ndihej i përbuzur dhe i bulluar.
Sulmi ndodhi mëngjesin e 10 qershorit në një shkollë të mesme, ku autori, një ish-nxënës i institucionit, hyri i armatosur dhe hapi zjarr ndaj nxënësve dhe stafit. Viktimat përfshijnë nëntë nxënës, një të rritur dhe vetë autorin, i cili dyshohet se ka kryer vetëvrasje pas sulmit.
Autoritetet kanë konfirmuar se autori ishte në posedim të ligjshëm të armëve dhe nuk kishte precedentë penalë të mëparshëm. Hetimet po vazhdojnë për të zbuluar më shumë detaje mbi motivet e sulmit dhe rrethanat që çuan në këtë tragjedi. Ndërkohë, qyteti i Grazit dhe e gjithë Austria janë në zi për humbjen e jetëve në një nga sulmet më të rënda në historinë e vendit.
