{"id":797747,"date":"2026-04-23T17:55:18","date_gmt":"2026-04-23T15:55:18","guid":{"rendered":"https:\/\/www.hashtag.al\/?p=797747"},"modified":"2026-04-23T17:58:47","modified_gmt":"2026-04-23T15:58:47","slug":"kellici-vijon-akuzat-ndaj-bankes-se-shqiperise-per-licensimin-e-jet-bank-kerkon-transparence-urgjente-nga-sejko","status":"publish","type":"post","link":"https:\/\/www.hashtag.al\/index.php\/2026\/04\/23\/kellici-vijon-akuzat-ndaj-bankes-se-shqiperise-per-licensimin-e-jet-bank-kerkon-transparence-urgjente-nga-sejko\/","title":{"rendered":"K\u00eblli\u00e7i vijon akuzat ndaj Bank\u00ebs s\u00eb Shqip\u00ebris\u00eb p\u00ebr licensimin e \u201cJet Bank\u201d, k\u00ebrkon transparenc\u00eb urgjente nga Sejko","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Deputeti i Partis\u00eb Demokratike, Belind K\u00eblli\u00e7i, ka ngritur nj\u00eb s\u00ebr\u00eb pyetjesh dhe shqet\u00ebsimesh n\u00eb Kuvend, drejtuar Guvernatorit t\u00eb Bank\u00ebs s\u00eb Shqip\u00ebris\u00eb, Gent Sejko, lidhur me procedur\u00ebn e licensimit t\u00eb bank\u00ebs s\u00eb par\u00eb digjitale n\u00eb vend, \u201cJet Bank\u201d.<\/span><\/p>\n

N\u00eb nj\u00eb reagim publik, K\u00eblli\u00e7i thekson se i \u00ebsht\u00eb drejtuar p\u00ebr her\u00eb t\u00eb tret\u00eb zyrtarisht Guvernatorit, por ende nuk ka marr\u00eb p\u00ebrgjigje p\u00ebr k\u00ebrkesat e tij p\u00ebr informacion, t\u00eb depozituara q\u00eb prej muajit mars 2026.<\/span><\/p>\n

Ai paraqet nj\u00eb kronologji t\u00eb detajuar t\u00eb zhvillimeve, duke nisur nga regjistrimi i \u201cJet Bank\u201d n\u00eb korrik 2025 me aksioner t\u00eb vet\u00ebm shtetasin izraelit Idan Avishai, deri te ndryshimet e m\u00ebvonshme n\u00eb struktur\u00ebn e pron\u00ebsis\u00eb.<\/span><\/p>\n

Sipas tij, m\u00eb 3 dhjetor 2025, Banka e Shqip\u00ebris\u00eb dha miratimin paraprak p\u00ebr licensimin, nd\u00ebrsa m\u00eb 26 janar 2026, 100% e aksioneve iu shit\u00ebn kompanis\u00eb \u201cJet Holdings B.V.\u201d, e regjistruar n\u00eb Holand\u00eb.<\/span><\/p>\n

K\u00eblli\u00e7i ngre pik\u00ebpyetje mbi shpejt\u00ebsin\u00eb e verifikimeve nga autoritetet, duke theksuar se mes shitjes s\u00eb aksioneve dhe p\u00ebrgjigjes s\u00eb Bank\u00ebs s\u00eb Shqip\u00ebris\u00eb kan\u00eb kaluar vet\u00ebm 15 dit\u00eb. Ai k\u00ebrkon sqarime n\u00ebse kjo koh\u00eb \u00ebsht\u00eb e mjaftueshme p\u00ebr t\u00eb kryer t\u00eb gjitha kontrollet ligjore dhe rregullatore.<\/span><\/p>\n

Nj\u00eb nga \u00e7\u00ebshtjet m\u00eb t\u00eb forta t\u00eb ngritura prej tij lidhet me figur\u00ebn e Oliver Hemmer, i cili sipas K\u00eblli\u00e7it ka qen\u00eb pjes\u00eb e strukturave drejtuese t\u00eb kompanis\u00eb dhe rezulton i lidhur me nj\u00eb skem\u00eb mashtrimi nd\u00ebrkomb\u00ebtare t\u00eb njohur si \u201c4XFX\u201d, p\u00ebr t\u00eb cil\u00ebn jan\u00eb p\u00ebrfituar mbi 200 milion\u00eb euro nga qytetar\u00eb europian\u00eb.<\/span><\/p>\n

Deputeti k\u00ebrkon t\u00eb dij\u00eb n\u00ebse Banka e Shqip\u00ebris\u00eb ka kryer verifikime t\u00eb plota p\u00ebr k\u00ebt\u00eb individ dhe lidhjet e tij.<\/span><\/p>\n

Gjithashtu, ai shpreh shqet\u00ebsim p\u00ebr faktin se aksioner\u00ebt aktual\u00eb t\u00eb bank\u00ebs nuk kan\u00eb eksperienc\u00eb n\u00eb sektorin bankar, duke v\u00ebn\u00eb n\u00eb pik\u00ebpyetje p\u00ebrputhshm\u00ebrin\u00eb e k\u00ebtij vendimi me legjislacionin shqiptar dhe at\u00eb europian.<\/span><\/p>\n

N\u00eb deklarat\u00ebn e tij, K\u00eblli\u00e7i e lidh k\u00ebt\u00eb \u00e7\u00ebshtje edhe me procesin e integrimit europian t\u00eb Shqip\u00ebris\u00eb, duke ngritur pyetje n\u00ebse licensimi i \u201cJet Bank\u201d mund t\u00eb ndikoj\u00eb n\u00eb negociatat p\u00ebr an\u00ebtar\u00ebsim n\u00eb Bashkimin Evropian, si dhe n\u00eb vler\u00ebsimin nga komiteti MONEYVAL p\u00ebr luft\u00ebn kund\u00ebr pastrimit t\u00eb parave.<\/span><\/p>\n

Ai i b\u00ebn thirrje Bank\u00ebs s\u00eb Shqip\u00ebris\u00eb q\u00eb t\u00eb kryej\u00eb verifikime t\u00eb plota dhe t\u00eb ofroj\u00eb transparenc\u00eb publike mbi procedurat e ndjekura dhe kontrollin e ushtruar ndaj aksioner\u00ebve dhe pal\u00ebve t\u00eb lidhura me k\u00ebt\u00eb projekt bankar.<\/span><\/p>\n

 <\/p>\n

Postimi i K\u00eblli\u00e7it:<\/strong><\/span><\/p>\n

\n
\n

Fjala ime sot n\u00eb Kuvendin e Shqip\u00ebris\u00eb, drejtuar Guvernatorit t\u00eb Bank\u00ebs s\u00eb Shqip\u00ebris\u00eb n\u00eb lidhje me procedur\u00ebn e licensimit t\u00eb Bank\u00ebs s\u00eb par\u00eb digjitale n\u00eb vend, Jet Bank:<\/span><\/em><\/p>\n

I nderuar z. Sejko,<\/span><\/em><\/p>\n

Po ju drejtohem p\u00ebr her\u00eb t\u00eb tret\u00eb, zyrtarisht me shkres\u00eb nga Kuvendi si dhe p\u00ebr t\u00eb disat\u00ebn her\u00eb nga salla e Parlamentit.<\/span><\/em><\/p>\n

N\u00eb dat\u00ebn 30.03.2026 ju jam drejtuar me nj\u00eb k\u00ebrkes\u00eb p\u00ebr informacion me shkres\u00ebn nr.360\/2 prot., k\u00ebrkes\u00eb p\u00ebr t\u00eb cil\u00ebn mbetem ende n\u00eb pritje t\u00eb nj\u00eb p\u00ebrgjigje nga ju.<\/span><\/em><\/p>\n

Jav\u00ebn e kaluar jam v\u00ebn\u00eb n\u00eb dijeni t\u00eb disa t\u00eb dh\u00ebnave shum\u00eb t\u00eb r\u00ebnd\u00ebsishme n\u00eb lidhje me shoq\u00ebrin\u00eb Banka Jet dhe aksionerin e Jet Holdings B.V., t\u00eb regjistruar n\u00eb Qipro, Constador LDT.<\/span><\/em><\/p>\n

Banka Jet \u00ebsht\u00eb regjistruar n\u00eb dat\u00ebn 23 korrik 2025, n\u00eb Qendr\u00ebn Komb\u00ebtare t\u00eb Biznesit, me aksioner t\u00eb vet\u00ebm shtetasin Izraelit, Idan Avishai.<\/span><\/em><\/p>\n

Sipas Akt Themelimit kjo shoq\u00ebri do t\u00eb administrohet nga K\u00ebshilli i Administrimit. Pjes\u00eb p\u00ebrb\u00ebr\u00ebse e k\u00ebtij k\u00ebshilli do t\u00eb jen\u00eb shtetasit: Idan Avishai (Kryetar), Oliver Hemmer dhe Rami Solomon.<\/span><\/em><\/p>\n

N\u00eb dat\u00ebn 12.11.2025, Idan Avishai shkarkon Oliver Hemmer nga K\u00ebshilli i Administrimit.<\/span><\/em><\/p>\n

N\u00eb dat\u00ebn 03.12.2025, Banka e Shqip\u00ebris\u00eb merr vendim \u201cP\u00ebr dh\u00ebnien e miratimit paraprak p\u00ebr licensimin e Bank\u00ebs \u201cJET BANK\u201d n\u00eb Republik\u00ebn e Shqip\u00ebris\u00eb\u201d.<\/span><\/em><\/p>\n

N\u00eb dat\u00ebn 26.01.2026, Idan Avishai shet 100% t\u00eb aksioneve kompanis\u00eb Jet Holdings B.V. Kjo shoq\u00ebri \u00ebsht\u00eb regjistruar n\u00eb Holland\u00eb n\u00eb vitin 2025.<\/span><\/em><\/p>\n

N\u00eb dat\u00ebn 12.02.2026 ju i p\u00ebrgjigjeni k\u00ebrkes\u00ebs time t\u00eb par\u00eb me shkres\u00ebn nr.720\/1 prot, ku nd\u00ebr t\u00eb tjera citoni se:<\/span><\/em><\/p>\n

\u201cBanka e Shqip\u00ebris\u00eb nga vler\u00ebsimi i dokumentacionit t\u00eb paraqitur nga \u201cJet Holdings B.V\u201d, Holland\u00eb, e cila \u00ebsht\u00eb shoq\u00ebria q\u00eb do t\u00eb zot\u00ebroj\u00eb 100% t\u00eb kapitalit t\u00eb bank\u00ebs s\u00eb propozuar \u201cJet Bank\u201d, krijoi bindjen se \u201cJet Bank\u201d do t\u00eb ushtroj\u00eb veprimtarin\u00eb e saj n\u00eb p\u00ebrputhje me k\u00ebrkesat e parashikuara me kuadrin ligjor dhe rregullativ n\u00eb fuqi\u201d.<\/span><\/em><\/p>\n

Sa m\u00eb sip\u00ebr bazuar n\u00eb ligjin \u201cP\u00ebr Statusin e Deputetit\u201d k\u00ebrkoj t\u00eb informohem:<\/span><\/em><\/p>\n

1- N\u00eb cil\u00ebn dat\u00eb \u00ebsht\u00eb b\u00ebr\u00eb aplikimi p\u00ebr licensimin e \u201cJet Bank\u201d?<\/span><\/em><\/p>\n

2- Cili ka q\u00ebn\u00eb aksioneri n\u00eb momentin e aplikimit?<\/span><\/em><\/p>\n

3- N\u00eb cil\u00ebn dat\u00eb jeni informuar p\u00ebr shitjen e aksioneve nga shtetasi Idan Vishai te kompania Jet Holdings B.V.?<\/span><\/em><\/p>\n

4- Sipas t\u00eb dh\u00ebnave n\u00eb QKB, shitja e aksioneve ka ndodhur n\u00eb dat\u00ebn 26 janar dhe ju m\u00eb jeni p\u00ebrgjigjur n\u00eb dat\u00ebn 12 shkurt. A mjaftojn\u00eb 15 dit\u00eb p\u00ebr t\u00eb kryer t\u00eb gjitha verifikimet e parashikuar ne kuadrin ligjor dhe rregullator n\u00eb fuqi?<\/span><\/em><\/p>\n

5- Oliver Hemmer ka mbajtur funksion drejtues n\u00eb kompanin\u00eb Banka Jet dhe Constador LTD n\u00eb mom\u00ebntin e aplikimit. A keni kryer ju verifikime p\u00ebr k\u00ebt\u00eb shtetas?<\/span><\/em><\/p>\n

6- Sipas nj\u00eb dokumenti t\u00eb Ministris\u00eb s\u00eb Brendshme Gjermane, shtetasi Oliver Hemmer \u00ebsht\u00eb Drejtues dhe Ortak i kompanis\u00eb GRF EUROPE OU, kompani e cila vepronte p\u00ebr llogari t\u00eb E&G Bulgaria n\u00eb pron\u00ebsi t\u00eb GAL BARAK. Gal Barak \u00ebsht\u00eb d\u00ebnuar n\u00eb Austri p\u00ebr ngritjen e nj\u00eb skeme mashtrimi 4XFX n\u00ebp\u00ebrmjet t\u00eb cil\u00ebs kan\u00eb p\u00ebrfituar mbi 200.000.000 euro nga shtetas Austriak, Gjerman, Zviceran etj. Pjes\u00eb e k\u00ebsaj skeme ka q\u00ebn\u00eb dhe shtetasi Oliver Hemmer me kompanin\u00eb GRF EUROPE OU. A keni kryer ju verifikime p\u00ebr k\u00ebt\u00eb shtetas?<\/span><\/em><\/p>\n

7- Jet Holdings B.V. ka regjistruar n\u00eb QKB, kompanin\u00eb JET TECH. Kjo kompani \u00ebsht\u00eb regjistruar pran\u00eb Durana Tech Park. A do kryej\u00eb kjo kompani sh\u00ebrbime p\u00ebr bank\u00ebn e licensuar \u201cJET BANK\u201d?<\/span><\/em><\/p>\n

8- Asnj\u00eb nga aksioner\u00ebt nuk ka asnj\u00eb eksperienc\u00eb bankare dhe jan\u00eb kompani t\u00eb krijuara rishtas dhe kan\u00eb hyr\u00eb si aksioner t\u00eb kompanis\u00eb BANKA JET vet\u00ebm pasi ju keni dh\u00ebn\u00eb miratimin paraprak. Si e krijuat bindjen ju dhe si vendos\u00ebt p\u00ebr her\u00eb t\u00eb par\u00eb t\u00eb licensoni nj\u00eb bank\u00eb n\u00eb Shqip\u00ebri, me aksioner individ\/kompani pa asnj\u00eb eksperienc\u00eb bankare, kur qartazi ligji dhe rregullorja n\u00eb fuqi e ndalojn\u00eb kategorikisht?<\/span><\/em><\/p>\n

I nderuar z. Sejko,<\/span><\/em><\/p>\n

Si\u00e7 jeni n\u00eb dijeni Shqip\u00ebria ka hapur t\u00eb gjith\u00eb grupkapitujt e negociatave t\u00eb antar\u00ebsimit n\u00eb Bashkimin Evropian. N\u00eb k\u00ebt\u00eb proces Banka e Shqip\u00ebris\u00eb ka nj\u00eb s\u00ebr\u00eb detyrimesh, n\u00eb kuad\u00ebr t\u00eb grupkapitujve 1 (themeloret), dhe 2 (tregu i brendsh\u00ebm) p\u00ebr t\u00eb siguruar q\u00eb legjislacioni Shqiptar dhe zbatimi i tij jan\u00eb n\u00eb p\u00ebrputhje me legjislacionin dhe praktikat evropiane.<\/span><\/em><\/p>\n

\u00c7do bank\u00eb e licensuar nga ju n\u00eb momentin e antar\u00ebsimit do jet\u00eb pjes\u00eb e sistemit bankar Evropian. Ka 3 pyetje t\u00eb tjera p\u00ebr ju:<\/span><\/em><\/p>\n

    \n
  1. A \u00ebsht\u00eb b\u00ebr\u00eb miratimi paraprak dhe licensimi i k\u00ebsaj banke n\u00eb p\u00ebrputhje t\u00eb plot\u00eb me legjislacionin Shqiptar dhe Evropian?<\/span><\/em><\/li>\n
  2. A mund t\u00eb pengoj\u00eb\/vonoj\u00eb ky licensim mbylljen e k\u00ebtij grupkapitulli?<\/span><\/em><\/li>\n
  3. A jan\u00eb n\u00eb dijeni institucionet Evropiane p\u00ebr licensimin e k\u00ebsaj banke?<\/span><\/em><\/li>\n<\/ol>\n

    Po ashtu, Shqip\u00ebria \u00ebsht\u00eb ne proces shqyrtimi, n\u00eb raundin e 6 t\u00eb vler\u00ebsimit t\u00eb Komitetit MONEYVAL, me fokus efikasitetin e zbatimit t\u00eb ligjeve ekzistuese. Edhe n\u00eb k\u00ebt\u00eb rast kam 2 pyetje p\u00ebr ju:<\/span><\/em><\/p>\n

      \n
    1. A mendoni se praktika e ndjekur n\u00eb rastin e Bank\u00ebs Jet do t\u00eb ndikoj\u00eb n\u00eb k\u00ebt\u00eb vler\u00ebsim?<\/span><\/em><\/li>\n
    2. A keni raportuar ju p\u00ebr k\u00ebt\u00eb rast?<\/span><\/em><\/li>\n<\/ol>\n

      Bashk\u00eblidhur k\u00ebsaj k\u00ebrkese do t\u00eb gjeni t\u00eb gjith\u00eb informacionin e b\u00ebr\u00eb publik nga un\u00eb mbi t\u00eb cilin k\u00ebrkoj n\u00eb m\u00ebnyr\u00eb URGJENTE q\u00eb Banka e Shqip\u00ebris\u00eb t\u00eb kryej\u00eb verifikime dhe t\u00eb b\u00ebj\u00eb transparenc\u00eb publike mbi eksperienc\u00ebn dhe kontrollin e kryer nga ju p\u00ebr aksioner\u00ebt dhe pal\u00ebt e lidhura me ta.<\/span><\/em><\/p>\n

      Pun\u00eb t\u00eb mbar\u00eb,<\/span><\/em><\/p>\n

      Belind K\u00eblli\u00e7i<\/span><\/em><\/p>\n

       <\/p>\n<\/div>\n<\/div>\n