{"id":796508,"date":"2026-04-16T20:34:28","date_gmt":"2026-04-16T18:34:28","guid":{"rendered":"https:\/\/www.hashtag.al\/?p=796508"},"modified":"2026-04-16T20:34:28","modified_gmt":"2026-04-16T18:34:28","slug":"7-5-ton-kokaine-69-milione-euro-kontrata-200-pasuri-te-sekuestruara-rama-mban-pushtetin-me-krimin-bardhi","status":"publish","type":"post","link":"https:\/\/www.hashtag.al\/index.php\/2026\/04\/16\/7-5-ton-kokaine-69-milione-euro-kontrata-200-pasuri-te-sekuestruara-rama-mban-pushtetin-me-krimin-bardhi\/","title":{"rendered":"\u201c7.5 ton kokain\u00eb, 69 milion\u00eb euro kontrata, 200 pasuri t\u00eb sekuestruara, Rama mban pushtetin me krimin\u201d \u2013 Bardhi","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Gazment Bardhi, kryetar i Grupit Parlamentar t\u00eb opozit\u00ebs, ka akuzuar kryeministrin Edi Rama se e mban pushtetin p\u00ebrmes lidhjeve me element\u00eb t\u00eb krimit t\u00eb organizuar.<\/span><\/p>\n

N\u00eb reagimin e tij, Bardhi i \u00ebsht\u00eb referuar nj\u00eb operacioni t\u00eb fundit t\u00eb SPAK, ku sipas tij nj\u00eb person i p\u00ebrfshir\u00eb n\u00eb trafik droge rezulton t\u00eb ket\u00eb p\u00ebrfituar rreth 69 milion\u00eb euro nga fondet publike.<\/span><\/p>\n

Ai thekson se ky rast, sipas opozit\u00ebs, shpjegon edhe refuzimin e kryeministrit p\u00ebr t\u00eb qen\u00eb i pranish\u00ebm n\u00eb Kuvend dhe p\u00ebr t\u2019iu p\u00ebrgjigjur pyetjeve lidhur me ndikimin e krimit t\u00eb organizuar n\u00eb sektorin e nd\u00ebrtimit.<\/span><\/p>\n

\u201cKRIMI, KRIMI-DROGA DROGA\u201d<\/em><\/span><\/p>\n

7.5 ton kokain\u00eb e trafikuar.<\/em><\/span><\/p>\n

50 tendera publik\u00eb nga pushteti i Edi Ram\u00ebs.<\/em><\/span><\/p>\n

Mbi 69 milion\u00eb euro kontrata.<\/em><\/span><\/p>\n

232 pasuri (rreth 12 milion\u00eb euro) t\u00eb sekuestruara nga SPAK.<\/em><\/span><\/p>\n

Kjo \u00ebsht\u00eb nj\u00eb sked\u00eb e shkurt\u00ebr e aktivitetit kriminal dhe ekonomik t\u00eb vet\u00ebm nj\u00eb karteli shqiptar q\u00eb p\u00ebrdorte shtetin p\u00ebr t\u00eb pastruar parat\u00eb e drog\u00ebs.<\/em><\/span><\/p>\n

Si Jetmir Pepa n\u00eb Shqip\u00ebri ka shum\u00eb grupe kriminale q\u00eb trafikojn\u00eb kokain\u00eb dhe q\u00eb pushteti i pajis me leje nd\u00ebrtimi apo me statusin e investitorit strategjik.<\/em><\/span><\/p>\n

Ky rast i fundit i \u00e7uar para drejt\u00ebsis\u00eb nuk \u00ebsht\u00eb i izoluar. Ky \u00ebsht\u00eb modeli mbi t\u00eb cilin Edi Rama ka nd\u00ebrtuar dhe mban pushtetin.<\/em><\/span><\/p>\n

Kjo \u00ebsht\u00eb arsyeja pse Edi Rama refuzon t\u00eb vij\u00eb n\u00eb parlament dhe t\u00eb p\u00ebrgjigjet p\u00ebr ndikimin e krimit t\u00eb organizuar n\u00eb nd\u00ebrtim, p\u00ebr pastrimin e parave p\u00ebrmes lejeve t\u00eb nd\u00ebrtimit.<\/em><\/span><\/p>\n

Me Edi Ram\u00ebn n\u00eb krye t\u00eb qeveris\u00eb, parat\u00eb e pista nuk fshihen, ato legalizohen edhe q\u00eb t\u2019i sh\u00ebrbejn\u00eb atij p\u00ebr t\u00eb q\u00ebndruar n\u00eb pushtet, p\u00ebrmes blerjes, shantazhimit dhe frik\u00ebsimit t\u00eb votuesve.<\/em><\/span><\/p>\n

Riciklimi i parave t\u00eb pista n\u00eb nd\u00ebrtim, n\u00eb projekte dhe kontrata shtet\u00ebrore \u00ebsht\u00eb arsyeja pse Edi Rama i fshihet debatit p\u00ebr raportin e fundit t\u00eb Departamentit t\u00eb Shtetit p\u00ebr Shqip\u00ebrin\u00eb.<\/em><\/span><\/p>\n

Raporti thot\u00eb e zeza mbi t\u00eb bardh\u00eb: nd\u00ebrtimi \u00ebsht\u00eb nj\u00eb nga kanalet kryesore t\u00eb pastrimit t\u00eb parave n\u00eb Shqip\u00ebri.<\/em><\/span><\/p>\n

Edi Rama mund t\u00eb fshihet sot, mund t\u00eb hesht\u00eb s\u00ebrish nes\u00ebr, por dita kur do t\u00eb p\u00ebrgjigjet pse e b\u00ebri shtetin nj\u00ebsh me krimin \u00ebsht\u00eb e pashmangshme.\u201d<\/em> – shkruan Bardhi n\u00eb Facebook.<\/span><\/p>\n