![\"\"](\"https:\/\/www.hashtag.al\/wp-content\/uploads\/2026\/04\/fiskalizimi.jpg\")
<\/p>\n<\/p>\n
Tenderi i fiskalizimit i hapur n\u00eb prill t\u00eb vitit t\u00eb shkuar, ka p\u00ebrfunduar s\u00ebrish i ankimuar n\u00eb Komisionin e Prokurimit Publik. Nj\u00eb prej operator\u00ebve ka shprehur rezerva n\u00eb faz\u00ebn e vler\u00ebsimit t\u00eb k\u00ebsaj procedure e cila ka nj\u00eb fond limit mbi 7.7 milion\u00eb euro.<\/span><\/p>\n Ecuria e deritanishme e k\u00ebsaj procedure ka qen\u00eb komplekse duke thyer rekord p\u00ebr afatin n\u00eb t\u00eb cil\u00ebn \u00ebsht\u00eb shtrir\u00eb procedura q\u00eb rezulton plot nj\u00eb\u00a0 vit por edhe numrin e shpesht\u00eb t\u00eb ankimimeve n\u00eb KPP.<\/span><\/p>\n P\u00ebr her\u00eb t\u00eb fundit ky komision i hoqi pezullimin procedur\u00ebs q\u00eb ka p\u00ebr autoritetit kontraktor Agjencin\u00eb Komb\u00ebtare t\u00eb Shoq\u00ebris\u00eb s\u00eb Informacionit n\u00eb muajin shkurt duke i hapur rrug\u00eb vijimit t\u00eb procedurave t\u00eb cilat sh\u00ebnuan mbylljen n\u00eb 5 mars 2026. Tenderi me objekt kontrate \u201cMir\u00ebmbajtje e Modulit t\u00eb Menaxhimit t\u00eb Kontrollit t\u00eb Faturimit p\u00ebr Drejtorin\u00eb e P\u00ebrgjithshme t\u00eb Tatimeve\u201d tashm\u00eb ka kaluar n\u00eb faz\u00ebn e vler\u00ebsimit dhe duket se pik\u00ebrisht k\u00ebtu q\u00ebndrojn\u00eb edhe rezervat sipas ankes\u00ebs s\u00eb publikuar k\u00ebt\u00eb t\u00eb m\u00ebrkur\u00eb.<\/span><\/p>\n Ky nuk \u00ebsht\u00eb tenderi i par\u00eb q\u00eb lidhet me sistemet e IT dhe sh\u00ebrbime t\u00eb lidhura me to q\u00eb zvarriten mes ankimimeve. M\u00eb her\u00ebt i nj\u00ebjti problem u shfaq p\u00ebr sistemin e Thesarit dhe AFMIS\u00a0 nd\u00ebrkoh\u00eb vonesa pati edhe sh\u00ebrbimi i internetit n\u00eb institucionet publike. K\u00ebto vonesa shfaq\u00ebn efekt zinxhir n\u00eb disa raste dhe n\u00eb sh\u00ebrbime q\u00eb lidheshin me pun\u00ebn e institucioneve.<\/span><\/p>\n Tenderi p\u00ebr sistemin e fiskalizimit<\/span><\/p>\n Tenderi me objekt kontrate Mir\u00ebmbajtje e Modulit te Menaxhimit te Kontrollit te Faturimit p\u00ebr Drejtorin\u00eb e P\u00ebrgjithshme te Tatimeve u hap n\u00eb prill t\u00eb vitit t\u00eb shkuar. Sipas dokumenteve q\u00eb shoq\u00ebrojn\u00eb procedur\u00ebn, q\u00ebllimi kryesor i k\u00ebtij projekti \u00ebsht\u00eb mir\u00ebmbajtja e sistemit t\u00eb Menaxhimit t\u00eb Kontrollit t\u00eb Faturimit (sistemi i fiskalizimit) p\u00ebr Drejtorin\u00eb e P\u00ebrgjithshme t\u00eb Tatimeve p\u00ebr nj\u00eb periudh\u00eb prej 24 muajsh.<\/span><\/p>\n \u201cQ\u00ebllimi \u00ebsht\u00eb garantimi i funksionimit t\u00eb plot\u00eb t\u00eb sistemit elektronik, n\u00eb t\u00eb gjith\u00eb komponent\u00ebt e tij: softuer dhe pajisje fizike (hard\u00ebare). Ky sistem \u00ebsht\u00eb i hostuar n\u00eb Qendr\u00ebn e t\u00eb Dh\u00ebnave Qeveritare, pran\u00eb Agjencis\u00eb Komb\u00ebtare t\u00eb Shoq\u00ebris\u00eb s\u00eb Informacionit (AKSHI), dhe ofron sh\u00ebrbime p\u00ebr rreth 125 mij\u00eb tatimpagues, si dhe p\u00ebr vet\u00eb administrat\u00ebn tatimore\u201d, thuhet n\u00eb dokumente.<\/span><\/p>\n N\u00eb dokumentacion theksohet se disponueshm\u00ebria e sistemit t\u00eb fiskalizimit \u00ebsht\u00eb shum\u00eb e r\u00ebnd\u00ebsishme. Sh\u00ebrbimi i fiskalizimit dhe portali i tatimpaguesve (SelfCare) nuk mund t\u00eb p\u00ebsojn\u00eb nd\u00ebrprerje p\u00ebr m\u00eb shum\u00eb se disa minuta dhe nuk tolerohen nd\u00ebrprerje t\u00eb planifikuara p\u00ebr q\u00ebllime p\u00ebrdit\u00ebsimi (upgrade, update) apo modifikime t\u00eb tjera.<\/span><\/p>\n \u201cSh\u00ebrbimet e ofruara p\u00ebr tatimpaguesit (fiskalizimi, verifikimi i faturave, pranimi\/refuzimi i tyre, etj.), si dhe p\u00ebr administrat\u00ebn tatimore, duhet t\u00eb jen\u00eb funksionale 24 or\u00eb n\u00eb dit\u00eb, 7 dit\u00eb n\u00eb jav\u00eb,\u201d theksohet m\u00eb tej.<\/span><\/p>\n Aktualisht, ky sistem p\u00ebrdoret nga bizneset dhe qytetar\u00ebt, nd\u00ebrsa n\u00eb p\u00ebrdorim t\u00eb brendsh\u00ebm \u00ebsht\u00eb i aksesuesh\u00ebm nga administrata tatimore dhe institucione t\u00eb tjera publike t\u00eb autorizuara. Dokumentet e tenderit p\u00ebrshkruajn\u00eb k\u00ebrkesat dhe p\u00ebrgjegj\u00ebsit\u00eb p\u00ebr mir\u00ebmbajtjen e sistemit t\u00eb fiskalizimi.<\/span><\/p>\n