![\"\"](\"https:\/\/www.hashtag.al\/wp-content\/uploads\/2026\/04\/vlore.jpg\")
<\/p>\n<\/p>\n
Aeroporti i Vlor\u00ebs nuk do t\u00eb mund t\u00eb nis\u00eb fluturimet k\u00ebt\u00eb ver\u00eb, duke sjell\u00eb q\u00eb ndikimi i par\u00eb t\u00eb jet\u00eb anulimi i kontratave turistike q\u00eb agjencit\u00eb nordike kishin me operator\u00ebt turistik\u00eb shqiptar\u00eb.<\/span><\/p>\n B\u00ebhet fjal\u00eb p\u00ebr ato kontrata t\u00eb form\u00ebs \u201callotment\u201d, pra ku ka rezervim paraprak t\u00eb dhomave por pa pagesa, q\u00eb kryesisht ishin n\u00eb rajonin e Vlor\u00ebs. Autoritetet u kan\u00eb komunikuar k\u00ebt\u00eb jav\u00eb\u00a0 tur-operator\u00ebve se hapja e aeroportit \u00ebsht\u00eb e pamundur t\u00eb b\u00ebhet pasi ende nuk ka arritur t\u00eb marr\u00eb certifikimin.<\/span><\/p>\n I kontaktuar nga \u201cMonitor\u201d, Elvis Kotherja, themelues i \u201cElite Travel Group & Elite Hospitality\u201d konfirmoi se jan\u00eb anuluar fluturimet e nordik\u00ebve q\u00eb do t\u00eb vinin n\u00eb Vlor\u00eb. Lajmi i mir\u00eb \u00ebsht\u00eb q\u00eb Shqip\u00ebria vijon t\u00eb mbetet n\u00eb k\u00ebrkesat e tyre si destinacion p\u00ebr vitin tjet\u00ebr.<\/span><\/p>\n \u201cN\u00eb fakt na \u00ebsht\u00eb konfirmuar q\u00eb Aeroporti i Vlor\u00ebs nuk mund t\u00eb hapet sepse ende nuk kan\u00eb p\u00ebrfunduar gjith\u00eb procedura e nevojshme p\u00ebr t\u00eb hyr\u00eb n\u00eb operim. Infrastruktura aty \u00ebsht\u00eb gati por ka nevoj\u00eb p\u00ebr hapa t\u00eb tjer\u00eb q\u00eb t\u00eb nisin fluturimet.<\/span><\/p>\n Lajmi i keq \u00ebsht\u00eb q\u00eb nordik\u00ebt q\u00eb do t\u00eb vendoseshin n\u00eb Vlor\u00eb me fluturime nga ky aeroport kan\u00eb anuluar p\u00ebr k\u00ebt\u00eb vit. Ishin t\u00eb pakt\u00ebn 3 chartera n\u00eb jav\u00eb.<\/span><\/p>\n Por lajmi i mir\u00eb \u00ebsht\u00eb q\u00eb autoritetet dhe ne s\u00eb bashku kemi negociuar q\u00eb Shqip\u00ebria t\u00eb mbetet n\u00eb list\u00ebn e destincioneve p\u00ebr vitin e ardhsh\u00ebm dhe kemi marr\u00eb garancin\u00eb q\u00eb do t\u00eb jen\u00eb 5 chartera n\u00eb jav\u00eb pra p\u00ebrkat\u00ebsisht dy nga Norvegjia, nj\u00eb nga Finlanda, nj\u00eb nga Suedia dhe nj\u00eb nga Danimarka\u201d tha z.Kotherja.<\/span><\/p>\n Ky \u00ebsht\u00eb viti i dyt\u00eb q\u00eb turizmi vuan pasojat e nj\u00eb Aeroporti q\u00eb premtohet se do t\u00eb hapet dhe nuk finalizohet. Edhe vitin e shkuar u p\u00ebrs\u00ebrit e nj\u00ebjta situat\u00eb ku charterat me turist\u00eb t\u00eb planifikoheshin t\u00eb uleshin n\u00eb Vlor\u00eb n\u00eb fakt u riskeduluan p\u00ebr ulje n\u00eb Aeroportin Nd\u00ebrkomb\u00ebtar t\u00eb Tiran\u00ebs dhe m\u00eb pas me transferta me autobus\u00eb p\u00ebr n\u00eb Vlor\u00eb.<\/span><\/p>\n Edhe k\u00ebt\u00eb vit operator\u00ebt turistik\u00eb konfirmuan se kishin kontrata me garanci me agjenci t\u00eb huaja p\u00ebr ulje nga Vlora dhe nj\u00eb pjes\u00eb e hoteleve kishin marr\u00eb disa k\u00ebste si pagesa paraprake. Moshapja e aeroportit duket se do t\u00eb jet\u00eb nj\u00eb tjet\u00ebr \u201cdhembje\u201d koke p\u00ebr turizmin.<\/span><\/p>\n \u00c7far\u00eb po ndodh me Aeroportin<\/strong><\/span><\/p>\n \u201cMonitor\u201d i kushtoi pak jav\u00eb m\u00eb par\u00eb nj\u00eb shkrim t\u00eb zgjeruar situat\u00ebs n\u00eb Aeroportin e Vlor\u00ebs. Aktualisht dy aksioner\u00ebt kryesor\u00eb t\u00eb konsorciumit q\u00eb mban kontrat\u00ebn e aeroportit jan\u00eb n\u00eb nj\u00eb betej\u00eb ligjore me nj\u00eb s\u00ebr\u00eb arsyesh komplekse teksa vet\u00eb qeveria ka qen\u00eb v\u00ebzhguese e k\u00ebsaj situate.<\/span><\/p>\n M\u00eb her\u00ebt aksioneri 2A Grup q\u00eb ka aktualisht administrimin e shoq\u00ebris\u00eb tha se synonte q\u00eb fluturimet t\u00eb nisnin n\u00eb muajin qershor edhe pse burime pran\u00eb Ministris\u00eb s\u00eb Infrastruktur\u00ebs i than\u00eb \u201cMonitor\u201d se ky afat ishte i pamundur dhe se kompania kishte k\u00ebrkuar shtyrje t\u00eb afatit deri n\u00eb shtator.<\/span><\/p>\n