![\"\"](\"https:\/\/www.hashtag.al\/wp-content\/uploads\/2026\/04\/megociata-ezgif.com-webp-to-jpg-converter.jpg\")
<\/p>\n<\/p>\n
Mohammad Baqer Qalibaf, kreu i parlamentit iranian, ka marr\u00eb nj\u00eb rol qendror nd\u00ebrkoh\u00eb q\u00eb sulmet izraelite dhe amerikane po eliminojn\u00eb udh\u00ebheqjen e vendit. Ai do jet\u00eb nj\u00eb lojtar ky\u00e7 n\u00eb \u00e7do negociat\u00eb p\u00ebr t\u00eb konsoliduar dhe zgjatur arm\u00ebpushimin e s\u00eb m\u00ebrkur\u00ebs.<\/span><\/p>\n Burime pakistaneze b\u00ebjn\u00eb me dije se do jet\u00eb Qalibaf, s\u00eb bashku me ministrin e Jasht\u00ebm Abbas Araqchi, ai q\u00eb do udh\u00ebtoj\u00eb drejt Islamabadit – i cili i kishte k\u00ebrkuar Uashingtonit t’i hiqte ata nga \u00e7do list\u00eb goditjeje e mundshme e SHBA-s\u00eb ose Izraelit – p\u00ebr t\u00eb udh\u00ebhequr negociatat me Shtetet e Bashkuara.<\/span><\/p>\n Me pak figura t\u00eb shquara t\u00eb mbetura pas nj\u00eb fushate t\u00eb bashk\u00ebrenduar vrasjesh, ish-komandanti i Gard\u00ebs Revolucionare, ish-kryebashkiaku i Teheranit, ish-shefi i policis\u00eb komb\u00ebtare dhe kandidati p\u00ebr president, \u00ebsht\u00eb tani nj\u00eb nyje ky\u00e7e lidh\u00ebse mes elitave politike, t\u00eb siguris\u00eb dhe atyre klerikale.<\/span><\/p>\n M\u00eb shum\u00eb se pes\u00eb jav\u00eb pas fillimit t\u00eb sulmit ndaj Iranit me vrasjen e liderit suprem, Ayatollah Ali Khamenei, udh\u00ebheqja n\u00eb Teheran po shfaqet e d\u00ebrrmuar, por ende n\u00eb k\u00ebmb\u00eb, pas nj\u00eb fushate rr\u00ebnuese p\u00ebr t’u mbijetuar sulmuesve t\u00eb saj.<\/span><\/p>\n Qalibaf: Kombinim i retorik\u00ebs s\u00eb ashp\u00ebr me pragmatizmin<\/strong><\/span><\/p>\n Qalibaf, i par\u00eb prej koh\u00ebsh si nj\u00eb i parap\u00eblqyer i Ali Khameneit dhe besnik i djalit t\u00eb tij, Mojtaba, i cili ka pasuar pozicionin e liderit suprem, ka qen\u00eb nj\u00eb z\u00eb udh\u00ebheq\u00ebs i sfid\u00ebs kund\u00ebr Izraelit dhe Shteteve t\u00eb Bashkuara, duke u zotuar p\u00ebr hakmarrje.<\/span><\/p>\n Duke iu drejtuar presidentit t\u00eb SHBA-s\u00eb, Donald Trump, dhe kryeministrit izraelit, Benjamin Netanyahu, pas vrasjes s\u00eb Khameneit, ai premtoi “goditje aq shkat\u00ebrruese sa do lypni m\u00ebshir\u00eb”.<\/span><\/p>\n “U them k\u00ebtyre dy kriminel\u00ebve t\u00eb flliqur dhe agjent\u00ebve t\u00eb tyre: ju keni shkelur vij\u00ebn ton\u00eb t\u00eb kuqe dhe do t\u00eb paguani p\u00ebr k\u00ebt\u00eb,”<\/em> deklaroi ai n\u00eb nj\u00eb fjalim televiziv.<\/span><\/p>\n Kjo retorik\u00eb pasqyron q\u00ebndrimin e tij t\u00eb hersh\u00ebm si nj\u00eb dishepull i rrept\u00eb i sistemit teokratik t\u00eb qeverisjes n\u00eb Iran, q\u00ebndrim t\u00eb cilin e ka shfaqur edhe p\u00ebrmes shtypjes s\u00eb revolt\u00ebs s\u00eb brendshme.<\/span><\/p>\n Megjithat\u00eb, pavar\u00ebsisht k\u00ebtij profili t\u00eb ashp\u00ebr, Qalibaf ka krijuar edhe reputacionin e nj\u00eb modernizuesi dhe pragmatisti. Gjat\u00eb gar\u00ebs presidenciale t\u00eb vitit 2005, ai pozoi me uniform\u00ebn e tij t\u00eb pilotit ushtarak n\u00eb reklamat e fushat\u00ebs p\u00ebr t\u00eb p\u00ebrforcuar imazhin e tij si profesionist.<\/span><\/p>\n Aft\u00ebsia p\u00ebr t\u00eb komunikuar efektivisht si me an\u00ebtar\u00ebt e Gard\u00ebs Revolucionare, ashtu edhe me udh\u00ebheqjen klerikale, mund t\u00eb ket\u00eb ndihmuar n\u00eb pozicionimin e tij si kandidat p\u00ebr bisedimet me Uashingtonin nd\u00ebrkoh\u00eb q\u00eb konflikti vijonte.<\/span><\/p>\n I lindur n\u00eb qytetin verilindor t\u00eb Torqabeh n\u00eb vitin 1961, Qalibaf u formua pjes\u00ebrisht nga ligj\u00ebratat q\u00eb ndiqte n\u00eb xhami si adoleshent, teksa Revolucioni Islamik i vitit 1979 po merrte hov. Kur Iraku pushtoi Iranin muaj pas p\u00ebrmbysjes s\u00eb Shahut, ai iu bashkua Gard\u00ebs Revolucionare, duke u b\u00ebr\u00eb gjeneral brenda tre viteve.<\/span><\/p>\n P\u00ebrpjekjet e p\u00ebrs\u00ebritura p\u00ebr t’u b\u00ebr\u00eb President<\/strong><\/span><\/p>\n Duke ndjekur karrier\u00ebn n\u00eb Gard\u00eb pas p\u00ebrfundimit t\u00eb luft\u00ebs, ai u kualifikua si pilot ushtarak dhe p\u00ebrfundimisht u b\u00eb kreu i nj\u00ebsis\u00eb s\u00eb forcave ajrore t\u00eb Gard\u00ebs. Gjat\u00eb koh\u00ebs q\u00eb ishte n\u00eb Gard\u00eb, mori pjes\u00eb n\u00eb shtypjen e p\u00ebrgjakshme t\u00eb student\u00ebve n\u00eb vitin 1999 dhe iu bashkua komandant\u00ebve t\u00eb tjer\u00eb n\u00eb n\u00ebnshkrimin e nj\u00eb letre drejtuar presidentit reformator, Mohammad Khatami, duke e k\u00ebrc\u00ebnuar me p\u00ebrmbysje n\u00ebse nuk ndalte protestat.<\/span><\/p>\n Khamenei, i gjendur mes pak\u00ebnaq\u00ebsis\u00eb n\u00eb rritje brenda vendit dhe presionit t\u00eb huaj mbi programin b\u00ebrthamor, iu drejtua gjithnj\u00eb e m\u00eb shum\u00eb “skifter\u00ebve” t\u00eb siguris\u00eb si Qalibaf. Si shef policie, ai u tregua i pam\u00ebshirsh\u00ebm, duke urdh\u00ebruar forcat e tij t\u00eb q\u00ebllonin mbi protestuesit n\u00eb vitin 2002.<\/span><\/p>\n Ai kandidoi p\u00ebr president n\u00eb vitet 2005, 2013 dhe 2024, nd\u00ebrsa u t\u00ebrhoq nga gara e vitit 2017 p\u00ebr t\u00eb mos p\u00ebr\u00e7ar\u00eb vot\u00ebn e krahut t\u00eb ashp\u00ebr. Ai z\u00ebvend\u00ebsoi Mahmoud Ahmadinejad si kryebashkiak i Teheranit, post t\u00eb cilin e mbajti p\u00ebr 12 vjet, duke marr\u00eb meritat p\u00ebr shtypjen e trazirave t\u00eb vitit 2009.<\/span><\/p>\n