{"id":794305,"date":"2026-04-03T17:43:09","date_gmt":"2026-04-03T15:43:09","guid":{"rendered":"https:\/\/www.hashtag.al\/?p=794305"},"modified":"2026-04-03T17:43:09","modified_gmt":"2026-04-03T15:43:09","slug":"tabaku-cmimet-sjane-rastesi-pasoje-e-nje-sistemi-qe-favorizon-pakicen-dhe-penalizon-shumicen","status":"publish","type":"post","link":"https:\/\/www.hashtag.al\/index.php\/2026\/04\/03\/tabaku-cmimet-sjane-rastesi-pasoje-e-nje-sistemi-qe-favorizon-pakicen-dhe-penalizon-shumicen\/","title":{"rendered":"Tabaku: \u00c7mimet s\u2019jan\u00eb rast\u00ebsi, pasoj\u00eb e nj\u00eb sistemi q\u00eb favorizon pakic\u00ebn dhe penalizon shumic\u00ebn","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Deputetja e Partis\u00eb Demokratike, Jorida Tabaku, ka ngritur shqet\u00ebsimin p\u00ebr rritjen e pap\u00ebrballueshme t\u00eb \u00e7mimeve n\u00eb Shqip\u00ebri, duke e lidhur at\u00eb drejtp\u00ebrdrejt me modelin ekonomik dhe vendimmarrjen qeveritare.<\/span><\/p>\n

N\u00eb nj\u00eb reagim publik, Tabaku thekson se familjet shqiptare po p\u00ebrballen \u00e7do muaj me nj\u00eb realitet gjithnj\u00eb e m\u00eb t\u00eb v\u00ebshtir\u00eb, ku shpenzimet rriten nd\u00ebrsa t\u00eb ardhurat mbeten t\u00eb ul\u00ebta. Sipas saj, raporti mes \u00e7mimeve dhe t\u00eb ardhurave \u00ebsht\u00eb thell\u00ebsisht i pabarabart\u00eb: \u00e7mimet n\u00eb Shqip\u00ebri kan\u00eb arritur rreth 60% t\u00eb nivelit t\u00eb Bashkimit Europian, nd\u00ebrsa t\u00eb ardhurat mbeten n\u00eb vet\u00ebm 20% t\u00eb tyre.<\/span><\/p>\n

Tabaku argumenton se kjo situat\u00eb nuk \u00ebsht\u00eb produkt i tregut t\u00eb lir\u00eb, por i deformimit t\u00eb tij. Ajo evidenton se n\u00eb sektor\u00eb ky\u00e7 si produktet e shport\u00ebs dhe karburantet, mungesa e konkurrenc\u00ebs reale ka krijuar struktura oligopoliste, ku \u00e7mimet p\u00ebrcaktohen nga aktor\u00eb t\u00eb fuqish\u00ebm ekonomik\u00eb dhe jo nga rregullat e tregut.<\/span><\/p>\n

Nj\u00eb tjet\u00ebr faktor q\u00eb r\u00ebndon mbi \u00e7mimet, sipas saj, jan\u00eb taksat e larta dhe t\u00eb komplikuara, t\u00eb cilat transferohen drejtp\u00ebrdrejt te konsumatori. Nga karburanti te ushqimet baz\u00eb, barra fiskale, sipas Tabakut, ka b\u00ebr\u00eb q\u00eb kostoja e jetes\u00ebs t\u00eb rritet n\u00eb m\u00ebnyr\u00eb t\u00eb ndjeshme p\u00ebr qytetar\u00ebt.<\/span><\/p>\n

N\u00eb thelb t\u00eb problemit, deputetja identifikon modelin ekonomik aktual, t\u00eb cilin e cil\u00ebson si t\u00eb shteruar dhe t\u00eb varur nga shpenzimet publike, pa mb\u00ebshtetje reale p\u00ebr prodhimin dhe investimin privat.<\/span><\/p>\n

\u201c\u00c7mimet e larta nuk jan\u00eb rast\u00ebsi. Ato jan\u00eb rezultat i nj\u00eb sistemi q\u00eb nuk funksionon p\u00ebr shumic\u00ebn,\u201d thekson Tabaku, duke shtuar se ndryshimi i k\u00ebsaj situate k\u00ebrkon ndryshim t\u00eb vet\u00eb qeverisjes.<\/span><\/p>\n