{"id":785181,"date":"2026-02-07T18:51:26","date_gmt":"2026-02-07T17:51:26","guid":{"rendered":"https:\/\/www.hashtag.al\/?p=785181"},"modified":"2026-02-07T19:00:29","modified_gmt":"2026-02-07T18:00:29","slug":"ermal-hasimja-rrefen-ne-gogo-al-strategjine-per-bashkimin-e-opozites","status":"publish","type":"post","link":"https:\/\/www.hashtag.al\/index.php\/2026\/02\/07\/ermal-hasimja-rrefen-ne-gogo-al-strategjine-per-bashkimin-e-opozites\/","title":{"rendered":"Ermal Hasimja rr\u00ebfen n\u00eb Gogo.al strategjin\u00eb p\u00ebr bashkimin e opozit\u00ebs","gt_translate_keys":[{"key":"rendered","format":"text"}]},"content":{"rendered":"

\"\"<\/em><\/span><\/p>\n

\u201cAjo q\u00eb ka ndodhur koh\u00ebt e fundit \u00ebsht\u00eb q\u00eb partit\u00eb kan\u00eb organizuar tryeza, kan\u00eb ftuar nj\u00ebra-tjetr\u00ebn me gjysm\u00eb z\u00ebri, ndoshta edhe me shpres\u00ebn q\u00eb ftesa ndoshta t\u00eb mos d\u00ebgjohet ose t\u00eb mos vijn\u00eb, por kjo nuk ka prodhuar ndonj\u00eb gj\u00eb t\u00eb madhe dhe \u00ebsht\u00eb pak e kuptueshme q\u00eb partit\u00eb e kan\u00eb pak t\u00eb v\u00ebshtir\u00eb t\u2019i shkojn\u00eb tjetrit n\u00eb sht\u00ebpi.\u201d-<\/em> k\u00ebshtu u shpreh politologu, Ermal Hasimja i ftuar n\u00eb podkastin e \u201cGogo.al\u201d, me gazetaren Valmora Gogo.<\/span><\/p>\n

\u00a0I pyetur p\u00ebr strategjin\u00eb e rr\u00ebzimit t\u00eb qeveris\u00eb, Hasimja sqaron synimet e \u201cForumit p\u00ebr Dialog Politik\u201d, ku sipas tij bashkimi i opozit\u00ebs p\u00ebr largimin e qeveris\u00eb, nuk \u00ebsht\u00eb m\u00eb nj\u00eb objektiv vet\u00ebm i partive, por i popullit shqiptar. Hasimja thot\u00eb se nga takimet q\u00eb ka patur me partit\u00eb politike \u00ebsht\u00eb kuptuar se:<\/span><\/p>\n

1-Ka nevoj\u00eb p\u00ebr k\u00ebt\u00eb bashk\u00ebpunim<\/span><\/p>\n

2-Q\u00eb ky bashk\u00ebpunim \u00ebsht\u00eb i mundsh\u00ebm eventualisht dhe potencialisht efikas<\/span><\/p>\n

3- Q\u00eb \u00ebsht\u00eb m\u00eb i mundur pik\u00ebrisht kur niset nga njer\u00ebz q\u00eb nuk jan\u00eb pjes\u00eb e nj\u00eb partie t\u00eb caktuar, por p\u00ebrkundrazi, nj\u00ebsoj si ne kan\u00eb marr\u00ebdh\u00ebnie shum\u00eb t\u00eb mira me partit\u00eb e opozit\u00ebs dhe kan\u00eb aksesin te k\u00ebto parti.<\/span><\/p>\n

 <\/p>\n

Cilat forca politike jan\u00eb treguar t\u00eb gatshme?<\/span><\/p>\n

Lidhur me pjes\u00ebmarrjen, Hasimja shprehet se idea e k\u00ebtij forumi ka gjetur dakord\u00ebsi te Partia Demokratike dhe aleat\u00ebt e saj tradicional\u00eb si: Partia Republikane, PBDNJ-ja, Partia Agrare Ambientaliste, Partia e Liris\u00eb, LZHK-ja, Shqip\u00ebria B\u00ebhet e Adriatik Lapajt, si edhe ka ve\u00e7uar L\u00ebvizjen e Diaspor\u00ebs p\u00ebr Shqip\u00ebrin\u00eb e Lir\u00eb, me ndikimin q\u00eb ka p\u00ebrtej kufijve.<\/span><\/p>\n

Ftesa nuk \u00ebsht\u00eb pranuar nga Partia Mund\u00ebsia e drejtuar nga Agron Shehaj dhe L\u00ebvizja Bashk\u00eb, e Arlind Qorit.<\/span><\/p>\n

\u201cNga pik\u00ebpamja e pesh\u00ebs elektorale nuk ngren\u00eb ndonj\u00eb gj\u00eb t\u00eb madhe.\u201d-thot\u00eb Hasimja, duke sqaruar se nga L\u00ebvizja Bashk\u00eb ka patur reagime publike, ku ende pa u shkuar ftesa, kan\u00eb refuzuar. \u201cP\u00ebr fat t\u00eb keq\u201d-<\/em>thot\u00eb ai duke argumentuar se: \u201cDo ishte mir\u00eb q\u00eb ato objektiva q\u00eb kan\u00eb, t\u2019i shqyrtojn\u00eb. Edhe ata duan rr\u00ebzimin e qeveris\u00eb dhe ata duan zgjedhje t\u00eb lira dhe t\u00eb ndershme, po s\u2019duan t\u2019i b\u00ebjn\u00eb me t\u00eb tjer\u00ebt, duan t\u2019i arrijn\u00eb vet\u00eb\u201d.<\/em><\/span><\/p>\n

M\u00eb tej argumenton duke shtruar pyetjen: \u201cSa koh\u00eb duhet q\u00eb t\u2019i arrijn\u00eb vet\u00eb ato gj\u00ebra? Edhe koha pastaj del shum\u00eb, shum\u00eb e gjat\u00eb. A ia vlen q\u00eb t\u00eb presim gjith\u00eb ato vite ne, t\u00eb vazhdojm\u00eb me k\u00ebt\u00eb qeverisje, sepse ti ke menduar q\u00eb t\u2019i realizosh t\u00eb gjitha vet\u00eb? Un\u00eb mendoj jo. Un\u00eb mendoj q\u00eb realizohen disa objektiva dhe pastaj ti vazhdo luft\u00ebn e brendshme dhe konkurrenc\u00ebn n\u00eb zgjedhje reale, aty mate pesh\u00ebn t\u00ebnde, por jo p\u00ebr at\u00eb q\u00eb \u00ebsht\u00eb objektiv dhe q\u00eb \u00ebsht\u00eb dhe interes komb\u00ebtar n\u00eb k\u00ebt\u00eb moment. Kemi nj\u00eb emergjenc\u00eb komb\u00ebtare, k\u00ebshtu q\u00eb me zotin Shehaj situata ka qen\u00eb m\u00eb ndryshe\u201d.<\/em><\/span><\/p>\n

Lidhur me q\u00ebndrimin e Arlind Qorit, Hasimja thot\u00eb: \u201c\u00cbsht\u00eb e kuptueshme edhe p\u00ebr shkak t\u00eb ideologjis\u00eb. B\u00ebhet fjal\u00eb p\u00ebr t\u00eb majt\u00ebn ekstreme, megjithat\u00eb der\u00ebn e kan\u00eb pasur t\u00eb hapur, pavar\u00ebsisht ideologjis\u00eb s\u00eb tyre, sepse mua personalisht nuk m\u00eb bashkon asgj\u00eb me ideologjin\u00eb, por si un\u00eb, si zoti Qori, si Sali Berisha, si Agron Shehaj, kemi t\u00eb nj\u00ebjtin objektiv n\u00eb k\u00ebt\u00eb moment. A mund t\u00eb b\u00ebhemi bashk\u00eb p\u00ebr t\u00eb realizuar k\u00ebt\u00eb objektiv dhe pastaj le t\u00eb konkurrojn\u00eb me nj\u00ebri-tjetrin?\u201d<\/em><\/span><\/p>\n

\u00c7far\u00eb pritet t\u00eb sjell\u00eb n\u00eb sken\u00ebn politike bashkimi i opozit\u00ebs<\/span><\/p>\n

Hasimja tregon p\u00ebr hapat q\u00eb do ndiqen, nd\u00ebrsa thekson se e r\u00ebnd\u00ebsishme \u00ebsht\u00eb q\u00eb n\u00eb tryez\u00eb t\u00eb bihet dakord paraprakisht p\u00ebr disa parime lidhur me Kodin Zgjedhor, k\u00ebrkes\u00ebn p\u00ebr realizimin e zgjedhjeve t\u00eb lira dhe t\u00eb ndershme, k\u00ebrkesa p\u00ebr qeveri tranzitore q\u00eb do garantoj\u00eb zgjedhjet, mb\u00ebshtetjen e nj\u00eb drejt\u00ebsie kushtetuese dhe funksionale.<\/span><\/p>\n

\u201cNj\u00eb drejt\u00ebsi q\u00eb respekton t\u00eb gjitha t\u00eb drejtat e njeriut q\u00eb vet\u00ebp\u00ebrmir\u00ebsohet vazhdimisht dhe q\u00eb nga ana tjet\u00ebr godet pam\u00ebshirsh\u00ebm k\u00ebdo politikan q\u00eb na fut duart n\u00ebp\u00ebr xhepa\u201d-<\/em>shton ai. Faza finale e nism\u00ebs s\u00eb tij dhe grupit negociator t\u00eb \u201cForumit p\u00ebr Dialog Politik\u201d \u00ebsht\u00eb thirrja e nj\u00eb organizimi t\u00eb p\u00ebrbashk\u00ebt t\u00eb protestave.<\/span><\/p>\n

Forca e protest\u00ebs s\u00eb \u201cForumit p\u00ebr Dialog Politik\u201d<\/span><\/p>\n

\u201cAjo q\u00eb \u00ebsht\u00eb e r\u00ebnd\u00ebsishme dhe q\u00eb ndjehet, nuk shihet me sy, \u00ebsht\u00eb kur n\u00eb protest\u00eb marrin pjes\u00eb edhe njer\u00ebz t\u00eb tjer\u00eb jasht\u00eb partive politike, kur i gjith\u00eb populli opozitar, gjith\u00eb opozita e k\u00ebtij vendi, qytetar\u00ebt q\u00eb jan\u00eb jasht\u00eb k\u00ebtyre partive edhe nj\u00eb pjes\u00eb e konsiderueshme e elektoratit gri, kur edhe ata dalin n\u00eb protest\u00eb. Ata kan\u00eb t\u00eb nj\u00ebjtat arsye p\u00ebr t\u00eb dal\u00eb n\u00eb protest\u00eb. Kur edhe k\u00ebta dalin n\u00eb protest\u00eb, at\u00ebher\u00eb gj\u00ebja b\u00ebhet serioze, dhe at\u00ebher\u00eb presioni \u00ebsht\u00eb maksimal<\/em>.\u201d-thot\u00eb ai, duke shtuar se i duket e v\u00ebshtir\u00eb q\u00eb Rama t\u00eb mos e marr\u00eb parasysh k\u00ebt\u00eb lloj presioni.<\/span><\/p>\n

\u201cMinimalisht protesta shfaq dhe mobilizon qytetar\u00ebt, i tregon \u00e7do qytetari duke par\u00eb majtas e djathtas q\u00eb ka shok\u00ebt, fqinj\u00ebt, familjar\u00ebt aty q\u00eb nuk jan\u00eb dakord dhe natyrisht q\u00eb kjo i frym\u00ebzon dhe i mobilizon edhe m\u00eb tep\u00ebr njer\u00ebzit, i tregon dhe opinionit publik nd\u00ebrkomb\u00ebtar edhe p\u00ebrfaq\u00ebsuesve t\u00eb P\u00ebrfaq\u00ebsive Diplomatike n\u00eb Shqip\u00ebri q\u00eb shqiptar\u00ebt kan\u00eb nj\u00eb q\u00ebndrim n\u00eb shumic\u00ebn e tyre, kund\u00ebr qeverisjes aktuale. K\u00ebto jan\u00eb efektet q\u00eb arrihen\u201d-<\/em>sqaron m\u00eb tej.<\/span><\/p>\n

N\u00ebse do ket\u00eb p\u00ebrmbysje me dhun\u00eb t\u00eb qeveris\u00eb, ai thot\u00eb se: \u201cNuk do p\u00ebrmbyset qeveria me dhun\u00eb, nuk \u00ebsht\u00eb se protestuesit do marrin ca flamuj dhe do ngjiten me litar\u00eb e me shkall\u00eb n\u00ebp\u00ebr muret e kryeministris\u00eb dhe do ngulin flamurin atje n\u00eb maj\u00eb, nuk jemi n\u00eb at\u00eb teori ose faz\u00eb t\u00eb historis\u00eb\u201d<\/em>.<\/span><\/p>\n

Hasimja ndalet te thelbi organizimeve masive: \u201cN\u00eb momentin q\u00eb n\u00eb shesh do ndihet q\u00eb dalin qytetar\u00eb p\u00ebrtej partive politike, at\u00ebher\u00eb gjith\u00e7ka \u00ebsht\u00eb vendosur, at\u00ebher\u00eb nuk ka m\u00eb gj\u00eb tjet\u00ebr p\u00ebr t\u00eb diskutuar. Qeverisja mund t\u00eb vazhdoj\u00eb, mund t\u00eb rezistoj\u00eb, por historia ka marr\u00eb fund, thjesht\u00eb do zvarritet\u201d<\/em>-flet ai p\u00ebr planin q\u00eb pritet t\u00eb ndjek\u00eb nj\u00eb opozit\u00eb e unifikuar sipas q\u00ebllimeve t\u00eb p\u00ebrbashk\u00ebta.<\/span><\/p>\n

 <\/p>\n

M\u00eb posht\u00eb intervista e plot\u00eb n\u00eb podcastin e Gogo.al<\/a><\/span><\/strong><\/span><\/p>\n