{"id":784598,"date":"2026-02-03T23:50:51","date_gmt":"2026-02-03T22:50:51","guid":{"rendered":"https:\/\/www.hashtag.al\/?p=784598"},"modified":"2026-02-03T23:52:15","modified_gmt":"2026-02-03T22:52:15","slug":"aksioni-i-policise-per-monopatinat-i-paligjshem-jane-lene-te-kalben-ne-shi-demi-miliona-euro-denoncimi-i-kaprit-video","status":"publish","type":"post","link":"https:\/\/www.hashtag.al\/index.php\/2026\/02\/03\/aksioni-i-policise-per-monopatinat-i-paligjshem-jane-lene-te-kalben-ne-shi-demi-miliona-euro-denoncimi-i-kaprit-video\/","title":{"rendered":"\u201cMonopatinat e sekuestruara pa ligjshm\u00ebrisht nga policia jan\u00eb l\u00ebn\u00eb t\u00eb kalben n\u00eb shi, d\u00ebmi miliona euro\u201d – Denoncimi i Kaprit (Video)","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Deputeti i Partis\u00eb Mund\u00ebsia Erald Kapri ka denoncuar aksionin e Policis\u00eb s\u00eb Shtetit p\u00ebr bllokimin e monopatinave dhe motor\u00ebve elektrik\u00eb, duke e quajtur at\u00eb t\u00eb paligjsh\u00ebm. <\/span><\/p>\n

Ai isht\u00eb n\u00eb nj\u00eb nga pikat e ruajtjes duke treguar me video m\u00ebnyr\u00ebn dhe vendin krejt t\u00eb pap\u00ebrshtatsh\u00ebm t\u00eb ruajtur nd\u00ebrsa \u00a0theksoi se mjetet elektrike t\u00eb blera nga qytetar\u00ebt shqiptar\u00eb po shkat\u00ebrrohen e d\u00ebmi kap vler\u00ebn e miliona eurove.<\/span><\/p>\n

\u201cKam ardhur k\u00ebtu n\u00eb nj\u00eb nga pikat e sekuestrimit. Jan\u00eb me mij\u00ebra monopatina t\u00eb cilat i sjellin k\u00ebtu n\u00eb mjedis t\u00eb hapur dhe jasht\u00eb kushteve normale. Ato po shkat\u00ebrrohen dhe po dalin jasht\u00eb p\u00ebrdorimit dhe b\u00ebhet fjal\u00eb p\u00ebr nj\u00eb d\u00ebm prej milion eurosh. Si\u00e7 e shihni, thjesht jan\u00eb marr\u00eb, jan\u00eb l\u00ebn\u00eb k\u00ebtu dhe nd\u00ebrkoh\u00eb qindra e qindra t\u00eb rinj nuk kan\u00eb pasur mund\u00ebsin\u00eb q\u00eb t\u00eb vijn\u00eb t\u2019i t\u00ebrheqin dhe t\u2019i marrin. Atyre u k\u00ebrkohet fatura e blerjes s\u00eb monopatin\u00ebs dhe procesverbali i ndalimit. Dhe shum\u00eb prej tyre nuk e kan\u00eb ruajtur fatur\u00ebn, sepse nuk e mendonin q\u00eb krejt pa ligj, Policia e Shtetit do t\u2019i bllokonte dhe do t\u2019ua rr\u00ebmbente monopatin\u00ebn. Ka edhe nga ata t\u00eb rinj t\u00eb cil\u00ebt e kan\u00eb kuptuar q\u00eb do e ken\u00eb pasur shum\u00eb t\u00eb v\u00ebshtir\u00eb p\u00ebr ta gjetur monopatin\u00ebn e tyre dhe disa kan\u00eb shkruar edhe emrat mbi monopatin\u00ebn. Jan\u00eb thjesht justifikime. B\u00ebet fjal\u00eb p\u00ebr 10 mij\u00eb t\u00eb rinj af\u00ebrsisht q\u00eb i p\u00ebrdorin n\u00eb Tiran\u00eb.\u201d<\/em> – tha Kapri.<\/span><\/p>\n

Ai shtoi m\u00eb tej se aksioni i policis\u00eb ishte n\u00eb shkelje t\u00eb ligjit, ka penalizuar mij\u00ebra t\u00eb rinj nd\u00ebrsa tha se ka depozituar prej nj\u00eb muaji e gjysm\u00eb projektligjin q\u00eb do mund\u00ebsonte qarkullimin e mjeteve elektrike n\u00eb rrug\u00eb.<\/span><\/p>\n

Ky aksioni q\u00eb mori Policia e Shtetit ishte totalisht n\u00eb shkelje t\u00eb ligjit. Ua mor\u00ebn monopatinat, ua soll\u00ebn n\u00eb k\u00ebto pika ku degradohen dhe nuk po i japin zgjidhje ende qarkullimit t\u00eb tyre. Un\u00eb e kam b\u00ebr\u00eb gati ligjin dhe e kam dor\u00ebzuar prej gati nj\u00eb muaji e gjysm\u00eb n\u00eb parlament dhe pres q\u00eb t\u00eb nis\u00eb shqyrtimi. Ajo q\u00eb k\u00ebrkoj \u00ebsht\u00eb q\u00eb t\u00eb zbatohet praktika nj\u00ebsoj si n\u00eb vendet e Evrop\u00ebs. K\u00ebrkohet q\u00eb monopatinat t\u00eb mos ecin m\u00eb shum\u00eb se 25 kilometra n\u00eb or\u00eb, t\u00eb ket\u00eb kask\u00ebn e siguris\u00eb dhe t\u00eb ec\u00eb n\u00eb t\u00eb nj\u00ebjt\u00ebn vend q\u00eb ec\u00ebn edhe bi\u00e7ikleta. \u00cbsht\u00eb e pafalshme n\u00eb Shqip\u00ebrin\u00eb e 2026-\u00ebs t\u00eb mos lejosh t\u00eb rinjt\u00eb t\u00eb qarkullojn\u00eb me monopatina n\u00eb rrug\u00ebt e Tiran\u00ebs dhe n\u00eb \u00e7do qytet tjet\u00ebr.\u201d<\/em> – tha Kapri.<\/span><\/p>\n