{"id":784230,"date":"2026-02-01T20:39:51","date_gmt":"2026-02-01T19:39:51","guid":{"rendered":"https:\/\/www.hashtag.al\/?p=784230"},"modified":"2026-02-01T20:54:05","modified_gmt":"2026-02-01T19:54:05","slug":"firma-e-ish-deputetit-te-ps-se-mori-20-milione-euro-per-zgjerimin-e-rruges-qe-u-bllokua-ne-librazhd-kapri","status":"publish","type":"post","link":"https:\/\/www.hashtag.al\/index.php\/2026\/02\/01\/firma-e-ish-deputetit-te-ps-se-mori-20-milione-euro-per-zgjerimin-e-rruges-qe-u-bllokua-ne-librazhd-kapri\/","title":{"rendered":"\u201cFirma e ish-deputetit t\u00eb PS-s\u00eb mori 20 milion\u00eb euro p\u00ebr zgjerimin e rrug\u00ebs q\u00eb u bllokua n\u00eb Librazhd\u201d – Kapri","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Deputeti i Partis\u00eb Mund\u00ebsia Kapri ka denoncuar bllokimin e rrug\u00ebs Librazhd-Elbasan pas rr\u00ebzimit t\u00eb nj\u00eb masivi shk\u00ebmbor e dherash. <\/span><\/p>\n

N\u00eb nj\u00eb mesazh me video n\u00eb Facebook, Kapri n\u00ebnvizon se kompania ANK e ish-deputetit t\u00eb PS-s\u00eb Ndue Kola, ka marr\u00eb 20 milion\u00eb euro p\u00ebr zgjerimin e aksit. <\/span><\/p>\n

Ai shton se p\u00ebr rrug\u00ebn Elbasan-Qaf\u00eb Than\u00eb jan\u00eb shpenzuar 80 milion\u00eb euro.<\/span><\/p>\n

Sipas Kaprit, bllokimi i rrug\u00ebs nuk \u00ebsht\u00eb nj\u00eb rast i izoluar duke p\u00ebrmendur rrug\u00ebn Quk\u00ebs-Qaf\u00eb Pllo\u00e7\u00eb, Tunelin e Murrizit dhe at\u00eb t\u00eb Llogaras\u00eb.<\/span><\/p>\n

\u201cKan\u00eb kaluar shtat\u00eb or\u00eb dhe mij\u00ebra qytetar\u00eb vijojn\u00eb t\u00eb jen\u00eb t\u00eb bllokuar n\u00eb aksin Librazhd\u2013Elbasan. T\u00eb s\u00ebmur\u00ebt jan\u00eb detyruar t\u00eb kalojn\u00eb me barrela. N\u00eb k\u00ebt\u00eb segment t\u00eb shkurt\u00ebr jan\u00eb dh\u00ebn\u00eb 20 milion\u00eb euro kompanis\u00eb ANK, n\u00eb pron\u00ebsi t\u00eb ish-deputetit socialist Ndue Kola, p\u00ebr zgjerimin e aksit. N\u00eb total, p\u00ebr Elbasan\u2013Qaf\u00eb Than\u00eb jan\u00eb shpenzuar 80 milion\u00eb euro.<\/em><\/span><\/p>\n

\u00c7far\u00eb ndodhi?<\/em><\/span><\/p>\n

U shemb me shiun e par\u00eb. Ky nuk \u00ebsht\u00eb rast i izoluar. E nj\u00ebjta gj\u00eb ka ndodhur edhe me aksin Quk\u00ebs\u2013Qaf\u00eb Pllo\u00e7\u00eb, ku pavar\u00ebsisht se u shpenzuan 6 milion\u00eb euro p\u00ebr kilomet\u00ebr, rruga u shemb. Pik\u00ebpyetje serioze ka edhe p\u00ebr tunelin e Llogaras\u00eb dhe tunelin e Murrizit. Pas vitit 2013, nuk kemi asnj\u00eb kompani per\u00ebndimore q\u00eb t\u00eb ket\u00eb ardhur n\u00eb Shqip\u00ebri dhe t\u00eb ket\u00eb fituar nj\u00eb tender p\u00ebr nd\u00ebrtimin e rrug\u00ebve. Arsyeja \u00ebsht\u00eb e qart\u00eb; qeveria ka nd\u00ebrtuar kritere t\u00eb tilla q\u00eb tenderat t\u2019i fitojn\u00eb kompani t\u00eb af\u00ebrta me pushtetin, p\u00ebr t\u00eb ndar\u00eb fitimet. K\u00ebta nuk kan\u00eb interes t\u00eb nd\u00ebrtojn\u00eb rrug\u00eb me standarde apo rrug\u00eb t\u00eb sigurta. Interesi i tyre i vet\u00ebm \u00ebsht\u00eb t\u00eb p\u00ebrfitojn\u00eb sa m\u00eb shum\u00eb para nga tenderat. Dhe kush i vuan pasojat e gjith\u00eb k\u00ebtyre aferave korruptive? Qytetar\u00ebt, q\u00eb edhe sot vijojn\u00eb t\u00eb presin t\u00eb bllokuar p\u00ebr t\u00eb kaluar rrug\u00ebn.\u201d<\/em> – thot\u00eb Kapri.<\/span><\/p>\n