{"id":783715,"date":"2026-01-29T11:22:09","date_gmt":"2026-01-29T10:22:09","guid":{"rendered":"https:\/\/www.hashtag.al\/?p=783715"},"modified":"2026-01-29T11:22:09","modified_gmt":"2026-01-29T10:22:09","slug":"tabaku-qeveria-digjitale-jep-vetem-error-404-biznesi-ne-kolaps-profesionistet-e-lire-te-bllokuar","status":"publish","type":"post","link":"https:\/\/www.hashtag.al\/index.php\/2026\/01\/29\/tabaku-qeveria-digjitale-jep-vetem-error-404-biznesi-ne-kolaps-profesionistet-e-lire-te-bllokuar\/","title":{"rendered":"Tabaku: Qeveria digjitale jep vet\u00ebm ERROR 404 \u2013 biznesi n\u00eb kolaps, profesionist\u00ebt e lir\u00eb t\u00eb bllokuar","gt_translate_keys":[{"key":"rendered","format":"text"}]},"content":{"rendered":"

\"\"<\/span>
\nDeputetja e Partis\u00eb Demokratike, Jorida Tabaku, ka denoncuar p\u00ebrmes nj\u00eb videoje n\u00eb rrjetet sociale kolapsin e sh\u00ebrbimeve digjitale t\u00eb qeveris\u00eb shqiptare, duke theksuar se situata \u00ebsht\u00eb ve\u00e7an\u00ebrisht dramatike p\u00ebr biznesin dhe profesionist\u00ebt e lir\u00eb.<\/span><\/p>\n

Sipas Tabakut, sot i gjith\u00eb sistemi i teknologjis\u00eb s\u00eb informacionit t\u00eb qeveris\u00eb \u00ebsht\u00eb i bllokuar, duke e b\u00ebr\u00eb praktikisht t\u00eb pamundur marrjen e sh\u00ebrbimeve baz\u00eb nga tatimet, institucionet publike dhe platforma e-Albania. \u201cBiznesi \u00ebsht\u00eb n\u00eb kriz\u00eb. Profesionist\u00ebt e lir\u00eb po vuajn\u00eb m\u00eb shum\u00eb se kushdo tjet\u00ebr,\u201d<\/em> thekson ajo.<\/span><\/p>\n

Deputetja rikujtoi betej\u00ebn e fituar n\u00eb Gjykat\u00ebn Kushtetuese p\u00ebr profesionet e lira, ku mbi 20 mij\u00eb profesionist\u00eb u d\u00ebgjuan dhe fituan t\u00eb drejt\u00ebn e tyre. Por, sipas saj, p\u00ebr nj\u00eb pjes\u00eb t\u00eb tyre, q\u00eb nuk gjet\u00ebn zgjidhje t\u00eb plot\u00eb nga vendimi i Gjykat\u00ebs, sot problemi \u00ebsht\u00eb p\u00ebrkeq\u00ebsuar p\u00ebr shkak t\u00eb nj\u00eb sistemi t\u00eb pezulluar dhe jofunksional.<\/span><\/p>\n

Tabaku shpjegon se profesionist\u00ebt e lir\u00eb nuk arrijn\u00eb dot t\u00eb kryejn\u00eb veprimet m\u00eb elementare: t\u00eb gjenerojn\u00eb fatura, t\u00eb llogarisin kostot apo t\u00eb b\u00ebjn\u00eb nj\u00eb analiz\u00eb minimale t\u00eb pun\u00ebs s\u00eb tyre ditore p\u00ebrmes sistemit self-care. \u201cImagjinoni nj\u00eb profesionist t\u00eb lir\u00eb, nj\u00eb biznes i vog\u00ebl q\u00eb punon nga m\u00ebngjesi n\u00eb dark\u00eb, dhe nuk arrin dot t\u00eb nxjerr\u00eb as nj\u00eb fatur\u00eb t\u00eb vetme,\u201d<\/em> thekson ajo.<\/span><\/p>\n

Sipas deputetes s\u00eb PD-s\u00eb, b\u00ebhet fjal\u00eb p\u00ebr tatimpagues t\u00eb rregullt, njer\u00ebz korrekt\u00eb me shtetin, t\u00eb cil\u00ebt paguajn\u00eb taksa t\u00eb rritura dhe kosto t\u00eb larta fiskalizimi, por nuk marrin as sh\u00ebrbimin minimal n\u00eb k\u00ebmbim. \u201cKjo \u00ebsht\u00eb \u2018qeveria e sh\u00ebrbimeve\u2019. Kjo \u00ebsht\u00eb qeveria e medaljeve t\u00eb kota,\u201d<\/em> deklaron Tabaku, duke ngritur pyetjen se kush do t\u00eb mbaj\u00eb p\u00ebrgjegj\u00ebsi p\u00ebr k\u00ebt\u00eb situat\u00eb.<\/span><\/p>\n

N\u00eb p\u00ebrfundim, ajo e cil\u00ebson realitetin aktual si paradoksal: nj\u00eb Shqip\u00ebri e shpallur \u2018digjitale\u2019, q\u00eb nuk ofron dot as certifikata p\u00ebr biznesin dhe q\u00eb ndaj sip\u00ebrmarrjes shqiptare p\u00ebrgjigjet vet\u00ebm me \u201cERROR 404\u201d. Sipas saj, ky kolaps digjital po e zhyt biznesin n\u00eb kriz\u00eb dhe po minon besimin e qytetar\u00ebve te shteti.<\/span><\/p>\n